18:58 22 Жьҭаара 2018
Ишиашоу ицо аефир
  • USD65.31
  • EUR75.37
Администрация города Гагра

Гагратәи араионтә еизара Геннади Сыҷынаа икандидатура иахәаԥшраны иҟоуп

© Sputnik Роберт Джопуа
Аԥсны
Икьаҿу ахьарԥш аиура
19 0 0

Ажьырныҳәа 29 рзы Гагра араион уаанӡатәи Ахада Заур Бганба хатәгәаԥхарала инапынҵақәа шьҭеиҵеит.

АҞӘА, жәабран 9– Sputnik, Бадраҟ Аҩӡба. Ажьырныҳәа 29 рзы Гагра араион уаанӡатәи Ахада Заур Бганба хатәгәаԥхарала инапынҵақәа шьҭеиҵеит. Гагратәи араионтә еизара жәабран 12 рзы Геннади Сыҷынаа икандидатура иахәаԥшраны иҟоуп иҳәеит аизара ахантәаҩы Асҭан Агрба Sputnik акорреспондент даниҿцәажәоз.

"Гагратәи араионтә еизара жәабран 12, асааҭ 11 рзы атәыла Ахада иҳадигалаз Геннади Сыҷынаа икандидатура иахәаԥшраны иҟоуп", — иҳәеит аизара ахантәаҩы Асҭан Агрба.

Абжьыҭира иаанарԥшуеит араионтә еизара алахәылацәа Сыҷынаа икандидатура адгылара арҭо иарымҭо.

Ажьырныҳәа 29 рзы Гагра араион уаанӡатәи Ахада Заур Бганба хатәгәаԥхарала инапынҵақәа анышьҭеиҵа ашьҭахь атәыла Ахада ирыдигалеит Геннади Сыҷынаа икандидатура.

Иара убри аамҭазы Гагра араион ауааԥсыра Асҭамыр Қьецба иалхразы анапаҵаҩра хацдыркит.

"Гагра араион ауааԥсыра, ҩ-нызқьҩык рҟынӡа, Асҭамыр Қьецба икандидатура ықәыргылахарц анапаҵаҩра мҩаԥыргеит. Арҭ акандидатурақәа рыҩбагьы араионтә еизара ахәаԥшит, иҟоу арегламент инақәыршәаны араион ауааԥсыра раԥшьгара ашәҟәы ацҵаны инашьҭуп атәыла Ахадеи Апарламенти рахь", — ҳәа иҳәеит Агрба.

Араион Ахада икандидатура ақәыргыларазы аԥыжәара имоуп атәыла Ахада.

2018 шықәса ажьырныҳәа 29 рзы Гагра араион уаанӡатәи Ахада Заур Бганба хатәгәаԥхарала инапынҵақәа шьҭеиҵеит. Геннади Сыҷынаа гагра араион аҿы Аԥсны Ашәарҭадаратә маҵзура аҟәша деиҳабуп. Асҭамыр Қьецба Гагра араион напхгара азиуан 2006 шықәса инаркны 2011-нӡа.

Ихадоу атемақәа