03:56 15 Нанҳәа 2018
Ишиашоу ицо аефир
  • USD66.75
  • EUR76.23
МВД

Очамчыра Ҭырқәтәыла атәылауаҩ дырӷьычит

© Sputnik / Илона Хварцкия
Аԥсны
Икьаҿу ахьарԥш аиура
21 0 0

Ҭырқәтәыла атәылауаҩ дырӷьычит ахәашаҽны, асааҭ 20:45 рзы, Очамчыратәи апорт аҟынтәи.

АҞӘА, жәабран 12– Sputnik, Бадри Есиава. Ҭырқәтәылатәи аԥсыӡкыга-ӷба акаԥдан Селим Каиа дырӷьычит ахәашаҽны, асааҭ 20:45 рзы, Очамчыратәи апорт аҟынтәи. Абри атәы Sputnik акорреспондент изеиҭеиҳәеит Очамчыра араион Ахада ихаҭыԥуаҩ Славик Қәычбериа.

"Ҭырқәтәылатәи аԥсыӡкыга-ӷба акапитан Селим Каиа дырӷьычит ахәашаҽны, асааҭ 20:45 рзы, Очамчыратәи апорт аҟынтәи. Аӷба акаԥдан акаҳуажәырҭа ддәылҵит асааҭ 20:45 рзы, уа итәаз арԥарцәа аӡәы диҳәеит абаӷәазаҟынӡа днеигарц. Метрақәак инархысхьаны, асабарда зҿаз, ҩыџьа бџьарла еиқәных иҟаз ауаа амашьына ааныркылеит. Амашьына аԥсҟы зкыз амашьына дҭагын дкажьны дара аԥсҟы кны ицеит", — иҳәеит Қәычбериа.

Иаашаккарон, жәабран 10 рзы автомашьына рбеит Гал-Очамчыра амҩаду аҟны. Аԥхьатәи асаркьа ахы шалҟьаз ашьҭа убон. Иара убри аан џьаргьы ашьа каҭәаны иҟамызт.

Аԥсны Аҩныҵҟатәи аусқәа рминистрра ашьаусҭҵааҩцәа аусурақәа мҩаԥыргоит.

Ихадоу атемақәа