13:41 18 Ԥхынҷкәын 2018
Ишиашоу ицо аефир
  • USD66.75
  • EUR75.78
Делегаты Абхазии на форуме Вместе с Россией

Афорум "Вместе с Россией" иалахәын Аԥснытәи аделегатцәа

© Фото: Закан Нанба
Аԥсны
Икьаҿу ахьарԥш аиура
10 0 0

Урыстәылатәи аицџьынџьуаа жәларбжьаратәи рфорум мҩаԥысуан Москва, хәажәкыра 3-5 рзы.

АҞӘА, хәажәкыра 7 – Sputnik, Амра Амҷԥҳа. Урыстәылатәи аицџьынџьуаа жәларбжьаратәи рфорум мҩаԥысуан Москва, хәажәкыра 3-5 рзы. Аԥснынтәи иара иалахәын Закан Нанба, Руслан Ҳашыг, Наталиа Каиун. Абри атәы радио Sputnik иазаалыцҳаит Аԥсны иҟоу аурыс культуратә центр афонд анапхгара ахантәаҩы Наталиа Каиун.

Афорум "Вместе с Россией" иалахәын 84 тәыла рҟынтәи аицџьынџьуаа.

Каиун лажәақәа рыла афорум иахықәкы хаданы иҟан лассы иҟалараны иҟоу алхрақәа рҟны абжьыҭира амеханизм аус адулара.

"Хәажәкыра 5 рзы имҩаԥган иакымкәа иҩбамкәа аиҿцәажәарақәа. Актәи атема Урыстәыла ажәлар рымчра атема иадҳәалан, имҩаԥигон Виачеслав Никонов, аҩбатәи – аҳәаанырцә иҟоу Урыстәыла атәылауаа ирзырхан, имҩаԥылгон Елеонора Митрофанова. Ахԥатәи аиҿцәажәара "Аурыс дунеи аҭоурых-культуратә ҭынха аиқәырхареи аизырҳареи" иалахәын Лариса Вербицкаиа, Константин Затулин, Светлана Журова уҳәа егьырҭ еицырдыруа адепутатцәеи ауаажәларратә усуцәеи", — ҳәа еиҭалҳәоит Каиун.

Лара иазгәалҭеит ахԥатәи аиҿцәажәара аинтерес аҵаны ишылыԥхьаӡо.

"Сара аурыс культуратә центр анапхгара сахантәаҩуп, убри азы ари атема еиҳа сгәы иаднакылоит, избанзар ҳцентр хықәкны иамоу аҭоурых-культуратә ҭынха ахьчароуп, аӡыргароуп, аҿар рыбжьара аларҵәароуп. Иара амҩаԥгара аформақәа иреиуоуп афестивальқәа, аиԥыларақәа, аиндаҭларақәа", — лҳәоит Наталиа Каиун.

Лара еиҭалҳәеит ишазыԥхьагәаҭо амилаҭтә культурақәа рдиалог аконтекс иқәныҟәаны аурыс культура аларҵәараз ауснагӡатәқәа.

"Аҵакы дуны иамоуп амилаҭтә культура аҩаӡара ҳарак аурыс бызшәахь еиҭаган ардырра. Ауснагӡатәқәа рҟны аҿар рыцхыраара ҳақәгәыӷуеит. Ҳара урҭ ааҳаԥхьоит аус ҳацруларц. Хықәкны иҳамоуп аиҳабыратә абиԥара ирымоу аԥышәа аҿар рымадара" — лҳәеит Аԥсны иҟоу аурыс культуратә центр афонд анапхгара ахантәаҩы Наталиа Каиун.

Аԥсны ажурналистцәа Реидгыла ахантәаҩы Руслан Ҳашыг еиҭеиҳәеит афорум аҳәаақәа ирҭагӡаны ишӡыргаз Урыстәылатәи Афедерациа Атәылахьчара аминистрра апроект.

"Афорум аҳәаақәа ирҭагӡаны иӡырган Урыстәылатәи Афедерациа Атәылахьчара аминистрра апроект — аинтернет-портал "Ажәлар ргәалашәара". Араҟа иркьыԥхьуеит Аџьынџьтәылатә еибашьра дуӡӡа аамҭа иатәу адокументқәа, архивтә материалқәа, афырхацәа рыхьӡқәа. Ҳаргьы еизаз ирзеиҭаҳҳәеит Санчаратәи ахыҵырҭаҿ имҩаԥгаз аҭоурых-ԥшааратә експедициа атәы. Уи иалҵшәаны иԥшаан аԥсадгьыл ахьчаҩцәа 33-ҩык рыԥсыбаҩқәа. Аԥсыбаҩқәа ҳаҭыр рықәҵаны анышә иамадан. Афонд ахаҭарнакцәа ирзеиҭаҳҳәоит аекспедициа аусура иацҵахар шалшо", — иҳәеит Ҳашыг.

Урыстәылатәи аицџьынџьуаа жәларбжьаратәи рфорум мҩаԥысуан Москва, хәажәкыра 3-5 рзы.

Ихадоу атемақәа