Рауль Ҳаџьымба идикылеит Иорданиа апарламент адепутатцәа

© Фото : Сырма АшубаФото с места события
Фото с места события - Sputnik Аҧсны
Анапаҵаҩра
Аԥсны Аҳәынҭқараа ахада Рауль Ҳаџьымба идикылеит Иорданиа иҟоу Хашимиттәи Акралра апарламент адепутатцәа.

АҞӘА, хәажәкыра 8- Sputnik. Сырма Ашәԥҳа. Аԥсны Аҳәынҭқараа ахада Рауль Ҳаџьымба идикылеит Иорданиа иҟоу Хашимиттәи Акралра апарламент адепутатцәа: Мансур Сижьажь, Халед Алабдалла, Халед Албаккар. Аиԥылара иалахәын Аԥсны Жәлар Реизара аиҳабы Валери Кәарҷиа, апарламент адепутат, "Жәларбжьаратәи афонд Аԥсны" алахәыла Асҭамыр Логәуа, "Жәларбжьаратәи афонд Аԥсны" ахада ихаҭыԥуаҩ Мақсим Гәынџьиа.

Делегации Палаты представителей Иорданского Хашимитского Королевства впервые прибыли с рабочим визитом в Абхазию - Sputnik Аҧсны
Иорданиа Аԥсни иареи реимадара аинтерес амоуп

Аԥсны Аҳәынҭқарра Ахада, Иорданиатәи аделегациа ҳтәылаҿы рыҟазаара гәахәала идикылеит.

"Иорданиеи Аԥсни рыбжьара аиҩызареи аусеицуреи рҳәаақәа рыҽдырҭбаауеит ас еиԥш иҟоу аимадарақәа ирыбзоураны. Ҳара ҳтәылақәа еидҳәалоуп ҭоурыхла, избанзар хыԥхьаӡара рацәала ҳдиаспора Иорданиа инхоит, аҳәынҭқарра аҭоурыхи акультуреи ирыхәҭакны иҟоуп", — иҳәеит атәыла Ахада.

Ахәҭакахьала, Иорданиатәи аделегациа ҳтәыла Ахада иҭабуп ҳәа иарҳәеит иҟаиҵаз адкыларазы, насгьы иазгәарҭеит Аԥсны аҭоурыхтә аамҭа уадаҩ ианысны аҿиара мҩа ишану. Агәыӷра аадырԥшит, Жәларбжьаратәи аилазаара азин нагӡа аманы аԥхьаҟа ишалало ала.

"Ҳара Иорданиа ҳахьнеиуа, зегь раԥхьаӡа иргыланы ҳалацәажәоит Аԥсны азҵаара. Раԥхьатәи ашьаҿақәа ҟаҵоуп, аԥхьаҟа иҵегьы иацҵахап ҳәа агәаанагара сымоуп. Ишәымоу Аиааира нагӡара ақәзааит", — ҳәа азгәеиҭеит хылҵшьҭрала иадыгоу, Иорданиатәи апарламент адепутат Мансур Сижьажь.

Леонид Чамагуа - Sputnik Аҧсны
Арадио
Чамагәуа: Иорданиа Аԥсни рыбжьара аимадарақәа рыҟазаара аинтерес ду ҳзамоуп

Аиԥылараҿы асасцәа иазгәарҭеит, Иорданиа инхо Кавказ ажәларқәа рҭоурыхтә ԥсадгьыл ишазҿлымҳау, ргәыбылра шаду, милаҭк аҳасабала ахеиқәырхара рышҽазыршәо.

Аиԥылара ахыркәшамҭазы, Аԥсны Аҳәынҭқарра Ахада Рауль Ҳаџьымба, асасцәа амҳаџьырра аҭоурых зҳәо асахьа ҳамҭас иранеишьеит.

Анаҩс, аԥшәмацәеи асасцәеи аҭааит ахҵәара иақәшәаз ҳауаажәлар рыхьӡала Амшын Еиқәа аҿықә аҟны игылоу абаҟа.

Иазгәаҭатәуп, Иорданиатәи аделегациа ҳтәылахь раара шалыршахаз, арҭ ашықәсқәа ирылагӡаны "Жәларбжьаратәи афонд Аԥсны" Сенер Гогәуа зхадараҿы дыҟаз аделегациа ҳдиаспора ахьынхоз атәылақәа рҿы имҩаԥыргоз аныҟәарақәеи, аимадарақәеи, аиҿцәажәарақәеи ирыбзоураны.

Ажәабжьқәа зегьы
0