06:17 21 Жьҭаара 2018
Ишиашоу ицо аефир
  • USD65.81
  • EUR75.32
Выставка, посвященная 125-летию Нестора Лакоба в Государственном музее

Нестор Лакоба диижьҭеи 125-шықәса аҵра иазку ацәыргақәҵа аатит Аҟәа

© Sputnik / Томас Тхайцук
Аԥсны
Икьаҿу ахьарԥш аиура
2110

Лаҵара 15 рзы Нестор Лакоба диижьҭеи 125-шықәса аҵра иазку ацәыргақәҵа аатит Аԥснытәи аҳәынҭқарратә музеи аҿы. Ацәыргақәҵа аус ауеит лаҵара 25 рҟынӡа.

АҞӘА, лаҵара 15– Sputnik, Бадраҟ Аҩӡба. Ацәыргақәҵахь инаган Нестор Лакоба ихьӡ зху Аҳәынҭқарратә аҭоурых-мемориалтә музеи аекспозициа: афотосахьақәа, Нестор изку агәалашәара шәҟәқәа.

С любимой женой Сарией
© Фото : из книги Адиле Аббас-оглы “Моя Абхазия... Моя судьба”

"35 шықәса раԥхьа иаартын Нестор Лакоба имузеи. Аџьынџьтәылатә еибашьра аамҭазы амузеи аҳаркит, аха анцәа иџьшьаны аматериалқәа еиқәхеит. Даара агәахәара ду ҳнаҭоит иахьатәи ацәыргақәҵа амҩаԥгара ахьалыршахаз", — лҳәоит Нестор Лакоба имузеи адиректор Лиудмила Лакоба.

Аԥсны акультуреи аҭоурых-культуратә ҭынха ахьчараз аминистр Ельвира Арсалиаԥҳа иазгәалҭеит Нестор Лакоба имузеи алахьынҵа адрама ҟазшьа аманы ишыҟоу.

"Лиудмила Владимир-иԥҳа ишылҳәаз еиԥш амузеи аԥҵан 35 шықәса раԥхьа, Нестор Лакоба диижьҭеи 90-шықәса аҵра иадҳәаланы. Агәахәара ду ҳнаҭоит 2016 шықәса рзы Аԥсны Ахада Иусԥҟала амузеи аҳәынҭқарратә статус ахьаиуз", — лҳәеит лара.

Аминистр иазгәалҭеит ааигәа аусура ишалагаз Нестор Лакоба имузеи асаит. Уи аӡыргара шымҩаԥысыз.

"Иаҳхықәкны иҟоуп амузеи асаит ашықәс нҵәаанӡа аԥсышәалеи англыз бызшәалеи аусура аларгара", — лҳәеит аминистр.

Ацәыргақәҵаҿы иӡырган Нестор Лакоба ивагылаз иҩыза иԥҳа Ирина Ҩарданԥҳа лышәҟәы "Дочь за отца… отвечает!" аӡыргара. Ашәҟәаҟны иалацәажәоуп 30-тәи ашықәсқәа раамҭа лашьца, ашәҟәы автор лаб иҭоурых. Ирина Ҩарданԥҳа лаб, Анатоли Аҩардан дҭакын, нас дкыдҵаны дыршьуеит.

Ацәыргақәҵахь инеиит ареспублика анапхгара, аҵарауаа, ауаажәларра рхаҭарнакцәа.

Иналукааша аҳәынҭқарратә усзуҩ Нестор Аполлон-иԥа Лакоба диит лаҵарамза 1, 1893 шықәса рзы, аԥсуа нхаҩы иҭаацәараҿы, Гәдоуҭа араион, Лыхны ақыҭан.

1905 шықәса рзы ашкол даналга ашьҭахь Нестор Лакоба дҭалоит Тифлистәи адоуҳатә ҵараиурҭа. Иара уаҟоуп ахы ахьакуа ибольшевиктә дунеихәаԥшра.

Кавказтәи атәылаҿацәтә РКП(б) акомитет маӡалатәи адҵала, 1919 шықәса рзы Очымчыратәи аучасток амилициа рхадас аусура далагоит.

  • Выставка, посвященная 125-летию Нестора Лакоба в Государственном музее
    Выставка, посвященная 125-летию Нестора Лакоба в Государственном музее
    © Sputnik / Томас Тхайцук
  • Выставка,  посвященная 125-летию Нестора Лакоба в Государственном музее
    Выставка, посвященная 125-летию Нестора Лакоба в Государственном музее
    © Sputnik / Томас Тхайцук
  • Выставка, посвященная 125-летию Нестора Лакоба в Государственном музее
    Выставка, посвященная 125-летию Нестора Лакоба в Государственном музее
    © Sputnik / Томас Тхайцук
  • Выставка, посвященная 125-летию Нестора Лакоба в Государственном музее
    Выставка, посвященная 125-летию Нестора Лакоба в Государственном музее
    © Sputnik / Томас Тхайцук
  • Выставка, посвященная 125-летию Нестора Лакоба в Государственном музее
    Выставка, посвященная 125-летию Нестора Лакоба в Государственном музее
    © Sputnik / Томас Тхайцук
  • Выставка, посвященная 125-летию Нестора Лакоба в Государственном музее
    Выставка, посвященная 125-летию Нестора Лакоба в Государственном музее
    © Sputnik / Томас Тхайцук
1 / 6
© Sputnik / Томас Тхайцук
Выставка, посвященная 125-летию Нестора Лакоба в Государственном музее

Жәабран 17 1922 рзы Лакоба далырхуеит Аԥсны Жәлар Ркомиссарцәа Рхеилак ахантәаҩыс. Иара убри аамҭазы ареспублика Аекономикатә хеилак дахылаԥшуан. 1930-1936шш. рзы Нестор Лакоба Ацентртә анагӡаратә еилакы ахантәаҩыс дыҟан. Нестор Лакоба ианашьан Аеҵәа Ҟаԥшь аорден асовет мчра аҿаԥхьа илшамҭақәа рзы.

1936 шықәса, ԥхынҷкәынмзазы Қарҭ иԥсҭазаара далҵуеит, Аԥсни аԥсуа жәлари рықәгара иашьҭаз ауаа рнапаҟынтәи.

Аамҭақәак рышьҭахь "ажәлар раӷа" ҳәа ихьыӡҵан.

Ихадоу атемақәа