04:19 28 Лаҵара 2018
Аҟәа+ 22°C
Ишиашоу ицо аефир
  • USD61.67
  • EUR72.12
Астанинский экономический форум

Аԥснытәи аделегациа Астана имҩаԥысуа аекономикатә форум иалахәуп

© Фото: Facebook/AstanaEconomicForum
Аԥсны
Икьаҿу ахьарԥш аиура
14 0 0

Астанатәи аекономикатә форум, иналукааша аполитикцәа, абизнесуаа, аҵарауаа рҽаладырхәуеит. Сынтәа иара мҩаԥысуеит лаҵара 17-19 рзы Ҟазахсҭан аҳҭнықалақь Астана.

АҞӘА, лаҵара 18 – Sputnik, Сариа Кәарацхьелиаԥҳа. Раԥхьаӡа акәны Аԥсны Аҳәынҭқарра алахәхоит Астанатәи аекономикатә форум. Абри атәы Sputnik иазааицҳаит ареспублика аекономика аминистрраҿы иҟоу Аинвестициатә маҵзура адиректор ихаҭыԥуаҩ Симон Агрба.

Астанатәи аекономикатә форум, иналукааша аполитикцәа, абизнесуаа, аҵарауаа рҽаладырхәуеит. Сынтәа иара мҩаԥысуеит лаҵара 17-19 рзы Ҟазахсҭан аҳҭнықалақь Астана.

"Аҳәынҭинвестмаҵзура аҽазышәарала аиҿкааҩцәа ақәшаҳаҭхеит аԥснытәи аделегациа афорум ралахәхара. Ҳара уахь ҳнеира хықәкны иамоуп аибадырратә ҟазшьа. Еиуеиԥшым атәылақәа рхаҭарныкцәа рыҿцәажәара ҳҭахуп. Иаҳҭахуп ҳара ҳусурагьы алацәажәара", — иҳәеит иара.

Агрба иажәақәа рыла аԥснытәи аделегациа еилацәажәарак, стол гьыжьык бжьарыжьуам.

Афорум аҳәаақәа ирҭагӡаны аԥсуа делегациа иазыԥхьагәанаҭоит аиԥыларақәа рымҩаԥгара, евразиатәи аусеицура алацәажәара, ҳаамҭазтәи атехнологиақәеи аекономикатә трендқәеи ртема азааҭгылара.

"Ҳара ҳзы акраҵанакуеит аекспертцәа ргәаанагара", — иҳәеит Агрба.

Астанатәи аекономикатә форум мҩаԥыргоижьҭеи 11 шықәса ирықәуп. 2018 иара иаанахәеит Global Challenges Summit аформа. Аԥсны Аҳәынҭқарра раԥхьаӡа акәны афорум иалахәуп.

Ихадоу атемақәа