АҞӘА, рашәара 13 – Sputnik, Бадри Есиава. Ахореографиатә ансамбль "Абаза" актәи аҭыԥ ааннакылеит аиндаҭларатә-фестиваль "Планета звезд" аҟны. Абри атәы Sputnik акорреспондент изеиҭеиҳәеит ансамбль анапхгаҩы, ахореограф Алексеи Аршба.
Ансамбль "Абаза" занял первое место на фестивале "Планета звезд" в Геленджике
© Foto / Астанда Шапковская
"Аиндаҭлара мҩаԥысит иацы. Иахьа имҩаԥысуеит гала-концерт. Ҳакәашацәа аноминациа "Народный танец" аҟны иӡырыргеит аԥсуа милаҭтә кәашара. Краснодартәи атәылаҿацәи, Ҟрыми, Беларуссиеи рҟынтәи 10 шықәса рҟынӡа зхыҵуа ркотегориа иаҵанакуа агәыԥқәа 24 алахәын афестиваль", — иҳәеит Аршба.
Аршба еиҭеиҳәеит ансамбль "Абаза" шаԥҵаз Аԥсны жәлар Рџьынџьтәылатә еибашьраан. Аиҿкааҩ- Циала Чкадуаԥҳа.
Иахьазы 200-ҩык рҟынӡа ахәыҷқәа алахәуп ансамбль. Ансамбль арепертуар иалоуп аԥсуеи Кавказ ажәларқәеи рыкәашарақәа.
Ансамбль "Абаза" занял первое место на фестивале "Планета звезд" в Геленджике
© Foto / Астанда Шапковская
