АҞӘА, рашәара 25 – Sputnik, Сариа Кәарацхьелиаԥҳа. Курганск ақалақь аҟны рашәара 22-23 рзы имҩаԥысуаз, Урыстәыла ахьыԥшымра амш иазкыз тхеквондо азы атурнир иалахәын аԥснытәи аспортсменцәа. Дара азеиԥшкомандатә турнир аҿы аҩбатәи аҭыԥ ааныркылеит ҳәа Sputnik акорреспондент илзеиҭеиҳәеит азыҟаҵаҩ Ҭимур Барцыц.
"Аицлабрақәа реихшьаалақәа рыла ԥшьҩык ҳаспортсменцәа актәи аҭыԥқәа ааныркылеит, 14-ҩык – аҩбатәи аҭыԥқәа, 15-ҩык – ахԥатәи аҭыԥқәа. Аспортсменцәа азыҟарҵоит Ҭимур Барцыц, Ахра Еник, Нугзар Торчинава", – иҳәеит Барцыц.
Курганск ақалақь аҟны рашәара 22-23 рзы имҩаԥысуаз, Урыстәыла ахьыԥшымра амш иазкыз тхеквондо азы атурнир иалахәын аԥснытәи аспортсменцәа. Дара атурнир аҿы аҩбатәи аҭыԥ ааныркылеит.
Атурнир иалахәын 300-ҩык рҟынӡа аспортсменцәа.
