07:30 18 Жәабран 2019
Ишиашоу ицо аефир
  • USD66.70
  • EUR75.25
Круглый стол на тему наркозависимости и незаконного аборта

Анаркоманиа - комплекстә проблемоуп: Аҟәа имҩаԥысит астол гьыжь

© Sputnik / Томас Тхайцук
Аԥсны
Икьаҿу ахьарԥш аиура
25 0 0

Аҟәа имҩаԥысит астол гьыжь, анаркоманиа апроблемақәа ирызкны. Аилацәажәара иалахәыз иазгәарҭеит апроблема аӡбразы ишхымԥадатәиу акомплекстә программа.

Асҭанда Арӡынԥҳа, Sputnik

Анаркоманиа — комплекстә проблемоуп. Убри азы иара еицҿакрыла иӡбалатәуп. Абасеиԥш иҟаз агәаанагара иазкылсит аԥшьаша, ԥхынгәы 5 рзы Аҟәа имҩаԥысуаз астол гьыжь алахәылацәа. Иӡбалатәуп, аха ишԥаӡбатәу? Абри азҵаара еиҳа иуадаҩуп, аимак-аиҿакгьы ацуп.

Ареспублика агәабзиарахьчара аминистр Ҭамаз Ҵахнакьиа игәаанагарала макьаназ аус адулам аҳәынҭқарратә комплекстә программа. Убри аан апрограммаҿы иарбазароуп аглобалтә блокқәа ҩба. Актәи – уи амчратә структурақәа анаркотикқәа рылазырҵәо ирҿагыланы рықәԥара, аҩбатәи – уи агәабзиарахьчареи аҵареи рминистррақәа русеицура.

Ҵахнакьиа агәрагара имоуп анаркоманиа азыԥхьагәаҭара иазырхазар шакәу аусурақәа рӷьырак. Ахәышәтәра аасҭа аԥырҟәҟәаара, азыԥхьагәаҭара еиҳа имариоуп иҳәоит иара.

Аминистр диқәшаҳаҭуп анарколог Ирма Ануаԥҳа. Лара иазгәалҭоит аԥхьатәи апрофилактикатә усура еиҳа имариоуп ҳәа.

"Абри аусхк аҟны асистематә усура мҩаԥгам. Аамҭа-аамҭала иҟаҳҵо ауп. Ахәыҷқәа аус рыдулалатәуп, алекциақәа мҩаԥгалатәуп. Иара убри аан алекциақәа апроблема рзыӡбо иҟам" — лҳәоит анарколог.

Аҿартә политиказы Аҳәынҭқарратә еилакы аҟазауаҩ Владимир Џьоџьуа игәаанагарала анаркоманиа иаҿагыланы ақәԥараҿы еиҳа хра зманы иҟоу азинхьчаратә органқәа русура иашоуп.

"Рацәак идууп атәыла аҩныҵҟа хра аманы иҟоуп азинхьчаратәи ашәарҭадаратәи органқәа русура. Урҭ ишахәҭоу еиԥш, ирӷьны аус рур арҽеирақәа рацәахоит. Аинформациатә программа – уи рацәак лҵшәа ҟазымҵо усуп", — иҳәоит иара.

2017 шықәса рзы Ареспубликатә наркалогиатә диспансер аҿы аҽыхәышәтәра иахыжьын 1350-ҩык ауааԥсыра. Дара реиҳараҩык аҿар роуп.

Агәабзиарахьчара аминистрра иагәҭакуп адиспансер аҿы ареабилитациатә ҟәша аартра.

Ихадоу атемақәа

  • Дырмит Габалыиа

    Аԥсуа сахьаркыратә литература иазааԥсахьоу ашәҟәыҩҩцәа акымкәа-ҩбамкәа ԥсра зқәым аҩымҭақәа нрыжьхьеит. Аха изеиԥшроузеи ашәҟәҩыра иаҵагыло абиԥара ҿыц? Иарбан литературоу урҭ иахьа иаԥырҵо, насгьы ахьысҳара абарныԥшуеи? Абарҭ азҵаарақәа дырзааҭгылеит апоет, ауаажәларратә усзуҩы Дырмит Габалыиа. Аиҿцәажәара мҩаԥигеит Аинар Ҷыҭанаа.

    25
  • Қьамиль Аҭрышба Кавказ Акультуратә дернеқь аҟны

    Ҭырқәтәыла, Ҳендеқь ақалақь аҟны еиҿкаау Кавказ акультуратә Дернеқь есыҽнытәи аусура дазааҭгыло, бжьышықәса раахыс уи еиҳабыс иахагылоу Қьамиль Аҭрышба иаҳзеиҭеиҳәеит хықәкы хадас ишрымоу ахатәы бызшәеи, аҵасқәеи, ақьабзқәеи реиқәырхара.

    458
  • Ал

    Аԥсуа баҳчаҿы зхатә ҭыԥ ылызххьоу алҵла аҭоурых дагәылаԥшны иаҳзеиҭалҳәеит Sputnik аколумнист Сусанна Ҭаниаԥҳа.

    110