АҞӘА, ԥхынгәы 25— Sputnik. 2008 шықәса нанҳәа 26 рзы Урыстәылатәи Афедерациа Ахада Дмитри Медведев инапы аҵаиҩит Аԥсни Аахыҵ Уаԥстәылеи рхьыԥшымра азхаҵаразы Аусԥҟа. Урыстәылеиԥш арҭ аҩ-ҳәынҭқаррак аамҭақәак рышьҭахь иазхарҵеит Никарагуа, Венесуела, Науру, Вануату, Тувалу, Шьамтәыла.
Азхаҵара азҵаара далацәажәо, Аԥсныи Аахыҵ Уаԥстәылеи еиуеиԥшым апарламентбжьаратә еиҿкаарақәа русура рхы иадырхәалароуп иҳәеит Афедерациа Ахеилак жәларбжьаратәи аусқәа реилак ахантәаҩы Константин Косачиов.
"Сара акыр сашьклаԥшуан аӡәгьы иазхеимҵацыз Косово аиҳабыра арҭ ауснагӡатәқәа рымҩаԥысра рхы ишадырхәоз. Рҩызцәа рыцырхырааны ассамблеиақәа рҽышрыладырхәуаз, аконференциақәа шымҩаԥыргоз, еиуеиԥшым аматериал шеихыршоз", — иҳәеит иара Аԥсныи Аахыҵ Уаԥстәылеи рҟынтәи ажурналистцәа данырԥылоз. Аиԥылара еиҿнакааит МИА "Россия сегодня".
Косачиов иажәақәа рыла Урыстәыла абри азҵаара аганахь ала ацхыраара еснагь иазыхиоуп.
"Урыстәылатәи аделегациақәа аус ахьыруа зегьы асеиԥш иҟоу ауснагӡатәқәа реиҿкаара иадгылоит", — иҳәеит иара.
