16:59 16 Ԥхынгәы 2019
Ишиашоу ицо аефир
  • USD62.81
  • EUR70.68
Детский военный лагерь в Гудауте

Аԥсны иаадыртит арра-патриоттә лагер

© Sputnik Бадрак Авидзба
Аԥсны
Икьаҿу ахьарԥш аиура
26 0 0

Жәларбжьаратәи арра-патриоттә еизара "Азбука безопасности и выживания - 2018" иалахәхоит Аԥсныи, Урыстәылеи, Аахыҵ Уаԥстәылеи рҿар.

АҞӘА, нанҳәа 16 – Sputnik, Бадраҟ Аҩӡба. Жәларбжьаратәи арра-патриоттә еизара "Азбука безопасности и выживания — 2018" аатит Аԥсны, Гәдоуҭа игылоу Урыстәыла Аладатәи арратә округ 7-тәи арратә базаҿ, аԥшьаша, нанҳәа 16 рзы.

"Сынтәа алагер аамҭа 14-мшы акәымкәа 10 –мыш имҩаԥгахоит. Ганкахьала 14 –мшы иуоуа аԥышәа еиҳа еиҳахоит, аҽа ганкахьала сынтәа иара иалахәу рышықәс еиҳа еиҵоуп, 7 — 14 шықәса рхыҵуеит", — лҳәеит "Азбука безопасности и выживания — 2018" аиҿкааҩ, афонд "Хочу верить" ахантәаҩы Иулиа Павлиученкова.

Жәамш рыҩныҵҟа аҿар ироуеит арратә ԥышәа. Уи рыԥсҭазаараҿы ирзыхәарҭахо акоуп.

"Ахәыҷқәа зегьы алагер ауснагӡатәқәа ирылахәхоит. Ауснагӡатәқәа ара ирацәоуп: атопографиа, ахысра, аҭыԥ аҿы ахырхарҭаԥшаара, ахимиатә ҽыхьчара", — лҳәеит Павлиученкова.

Уи адагьы "Азбука безопасности и выживания — 2018" алахәылацәа аконцертқәа, афильмқәа дырбахоит, имҩаԥгахоит еиуеиԥшым аиндаҭларақәа. Алагер алахәылацәа рыбжьара иҟоуп аӡӷабцәагьы.

"Ҳара иацы ҳааит. 28-ҩык ҳаҟоуп. Аԥсны ҳаҟазаара агәахәа ду ҳнаҭоит. Алагер адырра ҿыцқәа ҳнаҭап ҳәа ҳгәыӷуеит. Ара уаанӡа дыҟан саҳәшьа. Саргьы даара исҭахын арахь аара, алагер аҿы аамҭа ахыгара", — ҳәа лҳәоит Аахыҵ Уаԥстәылатәи аӡӷаб Индира.

Аԥсны иҟоу Урыстәыла Ацҳаражәҳәарҭа авице-консул Николаи Новински ахәыҷқәа дрыдныҳәалеит.

"Зегьы ишәзеиӷьасшьарц сҭахуп ауснагӡатә аҟынтәи агәахәара ду, адырра ҿыцқәа, шәаԥхьаҟа ишәыхәаша аԥышәа", — иҳәеит иара.

Алагер аартра далахәын Аԥсны иҟоу Аахыҵ Уаԥстәыла Ацҳаражәҳәаҩ Олег Боциев.

"Ҭабуп ҳәа расҳәар сҭахуп арратә база анапхгара, алагер аиҿкааҩцәа. Иахьа уаҵәтәи амш ауасхыр шьҭаҳҵоит", — иҳәеит иара.

Детский военный лагерь в Гудауте
© Sputnik Бадрак Авидзба
Детский военный лагерь в Гудауте

Алагер аартра иалахәын Аԥсны жәлар рџьынџьтәылатә еибашьра хатәгәаԥхаралатәи алахәылацәа.

"Ахәыҷқәа апатриотизм рылааӡара реиҳа ихадоу усны иҟоуп", — иҳәеит Аахыҵ Уаԥстәылатәи аибашьҩы Сергеи Тедеев.

Сослан Кабешев иакәзар, иазгәеиҭеит ахәыҷқәа акомпиутер адтәалара аиҳа асеиԥш иҟоу ауснагӡатәқәа ирылахәызар ауп ҳәа.

"Ишыхәыҷу аԥсадгьыл абзиабара рылааӡатәуп", — иҳәеит иара.

Жәларбжьаратәи арра-патриоттә еизара "Азбука безопасности и выживания — 2018" иалахәхоит Аԥсныи, Урыстәылеи, Аахыҵ Уаԥстәылеи рҿар.

Иара аатит Аԥсны, Гәдоуҭа игылоу Урыстәыла Аладатәи арратә округ 7-тәи арратә базаҿ, аԥшьаша, нанҳәа 16 рзы.

Ихадоу атемақәа