АҞӘА, нанҳәа 31– Sputnik, Сариа Кәарацхьелиа. Шәача аԥшатлакә зҵоу ақәаршҩы леираны иҟоуп, амшынцәқәырԥара дугьы ҟалоит. Аха Аԥснынӡа амш бааԥс ааиуам ҳәа Sputnik иазеиҭарҳәеит Аԥсны АҶА апресс-маҵзураҿы.
"Аԥснытәи аԥшаҳәа иахьаҵанакуа амшынцәқәырԥара аныҟало Шәачантәи аҭел иаҳзасуеит. Аха уажәазы ус адырра ҳамам", — рҳәеит аусбарҭаҿы.
Шәача, нанҳәа ҩеижәижәеизеи цәыббра аки рзы амшынцәқәырԥара ду ҟалоит ҳәа рыларҳәеит. Аԥшатлакә зҵоу ақәаршҩы леираны иҟоуп, адыд-мацәыс ацны. Акурорт ақалақьтә маҵзурақәа иҷыдоу арежим иазыхианы русура мҩаԥыргоит.
