17:33 25 Цәыббра 2018
Ишиашоу ицо аефир
  • USD65.82
  • EUR77.38
Похороны Геннадия Гагулия

Геннади Гагәылиа иқыҭа гәакьа Лыхны анышә дамардеит

© Sputnik
Аԥсны
Икьаҿу ахьарԥш аиура
Аԥсны аԥыза-министр Геннади Гагәылиа иҭахара (37)
129 0 0

Аԥсны аԥыза-министр Геннади Гагәылиа дҭахеит цәыббрамза 8 рзы иҟалаз амҩатә машәыр иахҟьаны.

ГӘДОУҬА, цәыббра 12 – Sputnik, Бадри Есиава. Аԥсны аԥыза-министр Геннади Гагәылиа иқыҭа гәакьа Лыхны анышә дамардеит цәыббрамза 12 рзы ҳәа аҭыԥ аҟынтә иааицҳауеит Sputnik акорреспондент.

Алахьеиқәратә митинг мҩаԥысит Гәдоуҭатәи акультуратә хан ахыбраҿы. Уи ааиртит уаанӡатәи Аԥсны аԥыза-министр Виачеслав Цыгәба. Уи иҭахаз иуацәеи иҭынхацәеи дрыдышшылеит, анаҩс ажәа ииҭеит Аԥсны ахада Рауль Ҳаџьымба.

"Ҳтәыла ацәыӡ ду аиуит. Зыхьӡ нагоу ауаажәларратә, аполитикатә усзуҩы Геннади Гагәылиа рыцҳарыла иҭахара гәалсра дула ирыдыркылеит ҳара ҳџьынџьуаа реиԥш аҳәаанырцәтәи ҳҩызцща аӡәырҩы. Геннади Гагәылиа акыр злаз, акыр зылшоз хаҭаран, иарбан усзаалак аиҿкаашьа дақәшәон, анхамҩа аныҟәгараҿы ицназгоз дыҟамызт. Аԥсны Аџьынџьтәылатә еибашьраан уи ҳтәыла бџьарла аиқәыршәаразы иибаз аџьабаа рацәоуп, илшамҭакәа зегьы рыхә ашьара уадаҩуп", – иҳәеит ахада.

Иара иазгәеиҭеит, Геннади Гагәылиа дышуаҩы аамысҭашәаз, иҟаиҵахьоу шырацәазгьы – ахаан ибжьы ҭыганы соуп ҳәа дшықәымгылоз, аха ус шакәугьы, ажәлар рфырхацәа рдыруеит.

Акыршықәса раахыс Аԥсны Ахәаахәҭра-ааглыхратә палата дахагыланаҵы уи аҳаҭыр акырӡа ишьҭихит, уаҟа еидикылеит иӷәӷәоу, иҿоу аколлектив, ҳтәыла асоциалтә-економикатә ҭагылазаашьа анырра аҭара зылшо.

Похороны Геннадия Гагулия
© Sputnik / Илона Хварцкия
Похороны Геннадия Гагулия

Аԥыза-министр аҵыхәтәантәи имҩахь днаскьаргарц Аԥсныҟа иааит Урыстәыла, Аахыҵ Уаԥстәыла, Приднестровие, Донецк рҟынтә аделегациақәа.

Алахьеиқәратә митинг аҟны иаԥхьеит Урыстәыла аԥыза-министр Дмитри Медведеви, Шьамтәыла ахада Башар Асади иаарышьҭыз адышшыларатә шәҟәқәа. Виачеслав Цыгәба иажәақәа рыла, арҭ амшқәа ирылагӡаны Аԥсны ахадеи иҭахаз иҭаацәеи рыхьӡала адышшыларатә шәҟәқәеи ателеграммақәеи иааз даараӡа ирацәоуп.

Аԥсны аԥыза-министр Геннади Гагәылиа Аԥсны ахада Рауль Ҳаџьымба дызхагылаз аԥсуа делегациа дахәҭакны Шьамтәыла официалла даҭааны дыҟан. Геннади Гагәылиа иԥсҭазаара далҵит 71 шықәса дшырҭагылаз, амҩаду "Ԥсоу-Аҟәа" дшаныз Мысратәи абжьаларҭа азааигәара иҟалаз амашәыр иахҟьаны, цәыббрамза 8 рзы.

 

 

Атемақәа:
Аԥсны аԥыза-министр Геннади Гагәылиа иҭахара (37)

Ихадоу атемақәа