17:40 25 Цәыббра 2018
Ишиашоу ицо аефир
  • USD65.82
  • EUR77.38
Администрация г. Гагра.

Белоруссиатәи апоет аибашьра аветеранцәа ажәеинраалақәа дырзаԥхьеит, Гагра

© Фото : Саида Жиба
Аԥсны
Икьаҿу ахьарԥш аиура
12 0 0

Белоруссиатәи апоет ажәеинраалақәа ирылхыз амоноспектакль аибашьра аветеранцәа идлырбеит.

ГАГРА, цәыбрра 15-Sputnik. Саида Жьиԥҳа. Белоруссиатәи апоет Ева Инолпу, Гагратәи, ареспубликатә агәабзиара чаԥарҭатә центр аконцерттә зал аҟны имҩаԥылгеит лҩымҭақәа ирылху, Александр Софикс имузыкала "Обноженное дыхание жизни" захьӡу амоноспектакль.

Ева Инолпу раԥхьаӡакәны Аԥсныҟа дааит. Лара илгәиҭоуп лҟазара аҭыԥантәи ауааԥсыра идлырдырарц.

Мышқәак раԥхьа, автор дықәгылеит Пицундатәи акурорттә Еилазаара асценаҟны. Аҩбатәи лмоноспектакль мҩаԥылгеит Гагратәи ареспубликатә агәабзиара чаԥарҭатә центр аконцерттә зал аҟны. Лықәгылара рзылкит араҟа зҽызхәышәтәуа Аԥсны Аџьынџьтәылатә еибашьра аинвалидцәа-аветеранцәа.

"Иаарласны аԥсуа жәлар иазгәашәҭоит аныҳәа ду, Аиааира амш, убри аҟнытә исҭаххеит, аԥсадгьыл ахьчаҩцәа ҳамҭак рзыҟасҵарц", — лҳәоит лара.

Аибашьра аветеранцәа ракәзар, асас лаԥшьагара ахә ҳаракны иршьеит.

"Белоруссиантәи иааз апоет лықәгылара ҳара ҳзы хәыда-ԥсада еиҿылкааит. Уи ҳара пату ақәаҳҵоит. Изаҳӡари, апоезиа иазҿлымҳау ҳрацәам, аха аԥҳәыс ԥшӡа алыхәаԥшра мацарагьы ҳгәалаҟазаара шьҭнахит", — рҳәеит аибашьцәа.

Ева Инолпу быжь шәҟәык дравторуп. Лҩымҭақәа аԥсҭазаара иазынархоуп, хаҵеи ԥҳәыси реизыҟазаашьақәа ирызкуп.

Апоет Аԥсныҟа дааит хатәгәаԥхарала.

Ихадоу атемақәа