Ԥсоу аҳәааҿы иаанкылан асигаретқәа рконтрабандеи, ашьҭазаара змаз аԥҳәыси

© Sputnik / Владимир Песня / Амедиаҵәахырҭахь аиасрааҳәаа
аҳәаа - Sputnik Аҧсны
Анапаҵаҩра
Аҳәаахьчаҩцәа иааныркылаз аԥҳәыс анаркотикатә маҭәашьарқәа ирыдҳәаланы аусӡбара азхьаԥшра лнаҭахьан.

АҞӘА, ажьырныҳәа 10 - Sputnik. Ахылаԥшра-аушьҭырҭатә ҭыԥ "Адлер" аҿы уахыки-ҽнаки рыла урыстәылатәи аҳәаахьчаҩцәа иаԥдырҟәҟәааит асигарет контрабандала аиагареи, атравматикатә тапанча аԥшаареи, афедералтә шьҭазаара змаз аԥҳәыс лаанкылареи ҳәа аанацҳауеит Краснодар атәылаҿацә аҿы Урыстәыла АШәМ Аусбарҭа апресс-маҵзура.

Амашьынақәа ԥшьба, зҿы ҳтәылауаа ахылаԥшратә органқәа ирыцәӡаны асигарет ҭоԥқәа аҳәаа иахыргоз ааныркылеит урыстәылатәи аҳәаахьчаҩцәа.

Коза, архивное фото - Sputnik Аҧсны
Аҳазалхыҩцәа ацха аконтрабандеи амаҵзурауаҩ аҵарҭыша иҭареи аԥдырҟәҟәааит

Ззин ыҟамыз аидара мҩанызгоз атранспорттә хархәагақәа зегьы амашьына-цәаҳәа хада иқәганы ҷыдала аҭаԥшыхәрахь инарышьҭит. Аҭаҭын аалыҵ, асигарет "Манчестер" 190 блоки "Донской табак" захьӡу аалыҵи изгоз ирымхын. Аҳазалхыҩцәа аалыҵ аҭҵаарахь инарышьҭит.

Уи адагьы аҳәаахьчаҩцәа дааныркылеит атравматикатә тапанча мҩанызгоз, автомашьына Acura RDХ аԥсҟы зкыз ахаҿы. Атапанча шимаз иара иоуп изҳәазгьы, агәаҭара данахрыжьуаз аамҭазы. 40-шықәса зхыҵуа Шәача ауаҩԥсы МР 80-137 акалибр 18,5х55 мм. Аныҟәгара азин шимазг азы ашәҟәы ицын, аха аҳәаа ахысраан иҷыдоу азиншәҟәы шаҭахыз сыздырамызт ҳәа азгәеиҭеит.

Абџьари аџьаԥҳани аҳазалхыҩцәа изтәыз имхны аекспертизахь инарышьҭит.

Иара убасгьы аԥсуа-аурыс ҳәааҿы даанкылан Челиабинсктәи аобласт аҟны инхоз, афедералтә шьҭазаара змаз аԥҳәыс. Лара дахьынхоз аҭыԥ аныжьра азин шлымамызгьы атәыла аҳәаа ахысра лыгәҭакын.

30-шықәса зхыҵуаз аԥҳәыс Аԥсны Аҳәынҭқарра аҵакырахь ааира анлыгәҭакыз ауп данааныркылаз. Лара уаанӡа анаркотикатә маҭәашьарқәа ирыдҳәаланы афедералтә шьҭазаара лыман.

Ацәгьоуҩы аполициа аусзуҩцәа рахь днаган.

Ажәабжьқәа зегьы
0