АҞӘА, жәабран 21 – Sputnik. Аԥснытәи ашколхәыҷқәеи астудентцәеи хәыда-ԥсада Ҟрымҟа ицар ҟалоит хәажәкыра 22 – 26 рзы ҳәа радио Sputnik иазеиҭеиҳәеит атуристтә еилахәыра РусКрымтур адиректор хада Анатоли Тарасенко.
"Ари хәымш ирҭагӡоу автобустә ныҟәаратә туруп. Арахь иаҵанакуеит амузеиқәа рҭаара, мшынла аныҟәара, Севастополь арратә флот абара", - ҳәа еиҭеиҳәоит адиректор хада.
Азыҳәақәа рыдыркылоит жәабран 18 инаркны хәажәкыра 15 рҟынӡа. Автобустә тур ахь иаҵанакуеит абарҭ аныҟәарақәа: Ҟрым – Керчь, Бахчисараи, Севастополь, Иалта, Алушта, Симферополь, Феодосиа ("Золотое кольцо"). Ашколхәыҷқәа аӡәаӡәа аиҳабцәа рыцызроуп. Урҭ рзы атур ахәԥса иартәоит 19 800 мааҭ.
"Излымшо, ахшара рацәа змоу аҭаацәара ракәзар аспонсорцәа адгылара руеит: аԥсуа ган ахьӡала– "Аԥсуа тур", - ҳәа иҳәоит Тарасенко.
Иахьазы арзаҳалқәа 30 рыдыркылахьеит. Урҭ реиҳарак астудентцәа рыҟнытәоуп.
Акциаз еиҳа инарҭбааны адыррақәа роура алшоит атуроператор РусКрымтур аофициалтә саити аилахәыра АԥсуаТур аофициалтә саити рҿы.
