21:34 18 Мшаԥы 2019
Ишиашоу ицо аефир
  • USD64.07
  • EUR72.24

Ашьапылампыл азы ачемпионат аҿы "Риҵа" "Гагра" иаԥнагеит

© Foto / Виталий Фидаренко
Аԥсны
Икьаҿу ахьарԥш аиура
13 0 0

Ашьапылампыл азы ачемпионат аҿы "Риҵеи" "Гагреи" реиԥылара мҩаԥысит мшаԥы 11 рзы.

АҞӘА, мшаԥы 12 – Sputnik, Сариа Кәарацхьиаԥҳа. Гәдоуҭатәи "Риҵа" ашьапылампылтә клуб "Гагра" иаԥнагеит 1:0 ҳәа. Абри атәы Sputnik иазааицҳаит ашьапылампылтә лига адиректор Витали Федоренко.

30-тәи аминуҭ азы ахьчаҩбжа Астамыр Ҭарба ампыл амба иҭеиршәит.

"Риҵа" жәылон, "Гагра" еиҳарак аҽахьчон. Иуҳәар ауеит ампыл аҭаршәра алшаратәы ахҭысқәа шырацәамыз", - ҳәа иҳәоит Федоренко.

Федоренко игәаанагарала ахәмарра акомандақәа рыҩбагьы рзы акыр иуадаҩын.

Ашьапылампылтә клуб "Гагра" атурниртә таблицаҿ аҩбатәи аҭыԥ ннакылоит.

"Риҵеи" "Афони" ахԥатәи аҭыԥ еиҟәыршоит.

 

Ихадоу атемақәа