23:30 18 Цәыббра 2019
Ишиашоу ицо аефир
  • USD64.43
  • EUR71.24
Таитәи абокс азы Аԥсны еизгоу акоманда

Аԥсуа таибоксиорцәа ахьтәи, араӡни, аџьази медалқәа ирыԥсахеит Анапатәи атурнир аҿы

© Foto / Теймураз Гергедава
Аԥсны
Икьаҿу ахьарԥш аиура
27 0 0

Аладатәи афедералтә округ акомандақәа рыбжьара таитәи абокс азы иаарту атурнир мҩаԥысит Анапа, лаҵара 24-26 рзы.

АҞӘА, лаҵара 26 – Sputnik, Асмаҭ Ҵәыџьба. Таитәи абокс азы Аԥсны еизгоу акоманда актәи аҭыԥқәа ԥшьбеи, аҩбатәи аҭыԥқәа ҩбеи, ахԥатәи аҭыԥҵәа ҩбеи ирыԥсахеит Анапа имҩаԥысуаз Аладатәи афедералтә округ акомандақәа рыбжьара таитәи абокс азы иаарту атурнир аҟны, абри атәы Sputnik акорреспондент илзеиҭеиҳәеит Таитәи абокс азы Аԥсны афедерациа ахада Ҭемраз Гьергьедаа.

Ахьтәы медалқәа ириааит Амҷба Леон, Амҷба, Давид, Беҷваиа Владислав, Костандиан Иракли; араӡны медалқәа -Ҵәыџьԥҳа Фатима, Лакшьиа Асҭамыр; аџьаз медалқәа - Шпиниов Никита, Мотченко Георги.

Иара иажәақәа рыла, атурнир иалахәын Краснодар, Ставрополь, Ростов-на-Дону, Крым, Новороссииск рҟынтәи акомандақәа, зынӡа 200-ҩык рҟынӡа аспортсменцәа. Аԥснынтәи Анапаҟа ицеит 9-ҩык, урҭ рахьтә зегьы иреиҳабу 17 шықәса ихыҵуеит, зегьы иреиҵбу - 9 шықәса.

"Аиндаҭлара аҩаӡара акыр иҳаракын, аха сара сгәы иахәеит ҳхәыҷқәа шықәгылаз. Урҭ рыбжаҩык раԥхьаӡа акәны ари аҩыза атурнир иалахәуп. Иаадырԥшыз алҵшәақәа срызгәыдууп", - иҳәеит Гьергьедаа.

Анапа иргаз аиааира ашьҭахь аспортсменцәа ықәгылароуп таитәи абокс азы Иаарту ачемпионати Шәача аԥхьахәгареи рыҟны. Уи мҩаԥысуеит лаҵара 31 инаркны рашәара 2 рҟынӡа аҳабла Лазаревское аҟны.

Аԥснытәи атаибоксиорцәа араӡны медалқәа ҩбеи аџьаз медали ргеит>>

"Ари атурнир – Краснодартәи атәылаҿацә ачемпионати аԥхьахәгареи рахь анеиразы алхратә етапуп. Уа Нхыҵ Кавказынтәи ақәԥаҩцәа Урыстәыла Ахраҿа ачемпионат ахь анеиразы еиндаҭлоит", - азгәеиҭеит Гьергьедаа.

Иара иажәақәа рыла, аԥсуа таибоксиорцәа разыҟаҵашьа бзиоуп, аиааира иазықәԥартә иҟоуп.

Ихадоу атемақәа