16:18 18 Абҵара 2019
Ишиашоу ицо аефир
  • USD63.75
  • EUR70.53
Карате киокусинкаи азы аԥснытәи акоманда

Нхыҵ-Кавказтәи аицлабраҿы аԥсуа каратистцәа акомандатә иааира ргеит

© Foto / предоставлено Виталием Читанава
Аԥсны
Икьаҿу ахьарԥш аиура
11 0 0

Нхыҵ-Кавказтәи Афедералтә округ шинкиокусинкаи азы иаарту аиндаҭлара мҩаԥысит Домбаи рашәара 15 - 17 рзы.

АҞӘА, рашәара 19 – Sputnik, Асмаҭ Ҵәыџьԥҳа. Карате киокусинкаи азы аԥснытәи акоманда Нхыҵ-Кавказтәи Афедералтә округ шинкиокусинкаи азы иаарту аиндаҭлараҿы актәи быжь ҭыԥки аҩбатәи ԥшьҭыԥки ргеит ҳәа Sputnik иазеиҭеиҳәеит Аԥсны Карате киокусинкаи афедерациа аиҳабы Витали Ҷыҭанаа.

Косики карате азы аԥснытәи аспортсменцәа ҩыџьа Урыстәыла ахраҿа иаԥсахеит>>

Аԥснытәи акоманда 35 балл аманы актәи акомандатә ҭыԥ ааннакылеит.

Ҷыҭанаа иажәақәа рыла, акоманда азыҟаҵара бзиа шамаз аанарԥшит.

"Ҳаспортсменцәа ишьахәӡаны рхы аадырԥшит. Акоманда иалахәын уаанӡа ареспублика анҭыҵ иқәымгылацызгьы. Аспортсменцәа ргәалаҟазаара даара ибзиоуп", - иҳәеит иара.

Нхыҵ-Кавказтәи Афедералтә округ шинкиокусинкаи азы иаарту аиндаҭлара мҩаԥысит Домбаи рашәара 15 - 17 рзы.

Аԥсуа каратистцәа Ҟазахсҭан аԥыжәарақәа ргеит>>

Аиндаҭлара иалахәын 180-ҩык аспортсменцәа: Краснодартәи атәылаҿацә, Нхыҵ Уаԥстәыла, Даӷьсҭан, Ставропольтәи атәылаҿацә, Ҟарачы-Черкесиа рҟынтәи. Аԥснытәи акоманда иалахәын 27-ҩык акаратистцәа – ақалақьқәа Аҟәа, Гәылрыԥшь, Очамчыра рҟынтәи.

 

Ихадоу атемақәа