01:54 20 Ԥхынгәы 2019
Ишиашоу ицо аефир
  • USD62.87
  • EUR70.79
Аԥсны Ахада Рауль Ҳаџьымба идикылеит аҭынчреиқәырхаҩцәа-аветеранцәа

Ҳаџьымба аҭынчреиқәырхаҩцәа русуразы иҭабуп ҳәа реиҳәеит

© Foto / http://presidentofabkhazia.org
Аԥсны
Икьаҿу ахьарԥш аиура
10 0 0

Еиду амилаҭқәа реиҿкаара аҭынчреиқәырхаратә мчқәа Аԥсны иалагалан рашәара 21, 1994 шықәса рзы. Урҭ рнапынҵақәа ара инарыгӡон цәыббра 1, 2008 шықәса рҟынӡа.

АҞӘА, рашәара 21 — Sputnik. Аԥсны ахада Рауль Ҳаџьымба ҭабуп ҳәа реиҳәеит 1994-2008 шықәсқәа раан Аԥсны аҭынчреиқәырхара знапы ианыз Урыстәыла арратә мчрақәа рветеранцәа.

Абри атәы аанацҳауеит ахада исаит.

"Ҳара ҳзы акраҵанакуеит шәара ара шәыҟазаара. Усҟантәи аамҭақәа рзы шәарҭ шәҿаԥхьа иқәгылаз аусдҵақәа зегьы нагӡан. Уи хашҭшьа амам. Зыԥсҭазаара абри аҭынчра аҟазаара иақәызҵазгьы ахааназ ҳгәалашәараҿы иаанхоит", - иҳәеит иара.

Аҭынчреиқәырхара аветеранцәа Рхеилак "Миротворец" ахантәаҩы аинрал-леитенант Александр Евтеев ҭабуп ҳәа ахиҳәааит аветеранцәа асеиԥш рус аҳаҭыр ахьақәу.

"Иҭабуп ҳәа ахаҳҳәаауеит ҳаруаа ирышәҭо агәцаракразы, ҳветеранцәа ахьышәхашәмыршҭуазы. Ҳара ҳзы акраҵанакуаны иҟоуп аԥсуа жәлар ҳус иарҭо ахәшьара", - иҳәеит Евтеев.

Аорден "Ахьӡ-Аԥша" III аҩаӡара ианашьоуп аҭынчреиқәырхара аветеран, аполковник Константин Роот иуалԥшьа ламысцқьала иахьынеигӡоз азы.

ИАР аҭынчреиқәырхаҩцәа рымчқәа Аԥсны иалагалан рашәара 21, 1994 шықәса рзы. Урҭ рнапынҵақәа ара инарыгӡон цәыббра 1 2008 шықәса рҟынӡа.

 

Ихадоу атемақәа