Аҟәа жәларбжьаратәи аџьазтә фестиваль аатра иазыԥшуп

© Sputnik / Vladimir AstapkovichАџьазтә фестиваль
Аџьазтә фестиваль - Sputnik Аҧсны
Анапаҵаҩра
Аԥшьбатәи жәларбжьаратәи афестиваль SUKHUM AQUAJAZZ 2019 мҩаԥысуеит Аҳәынҭқарратә филармониаҿ ԥхынгәы 3, 5 рзы.

АҞӘА, рашәара 24 – Sputnik, Асмаҭ Ҵәыџьԥҳа. Аԥшьбатәи жәларбжьаратәи афестиваль SUKHUM AQUAJAZZ 2019 иалахәхоит Урыстәыла, Приднестровие рҟынтәи аџьазтә коллективқәа ҳәа Sputnik иазеиҭалҳәоит афилармониа ауаажәларра рнырразы аҟазауаҩ Арифа Қапԥҳа.

Афестиваль аартра аламҭалаз ахәаԥшыҩцәа рҿаԥхьа иқәгылоит аквинтет "Liberty" (Приднестровие - Молдавиатәи ареспублика).

"Артистцәа еиуеиԥшым аинструментқәа рҟны рыхәмарра адагьы, ашәа бзианы ирҳәоит. Аквинтет аџьаз музыка ахәмарраҟнеиԥш, аестрадеи адоуҳатә музыкеи рзы жәларбжьаратәи аиндаҭларақәа ирлауреатцәоуп", - ҳәа еиҭалҳәоит Қапԥҳа.

Афестиваль аҩбатәи амш ааиртуеит урыстәылатәи артист Алексеи Самарин, авокалистка, ашоу "Голос" алахәыла Валериа Гехнер, аԥсуа музыкант Денис Ҳагба.

"Афестиваль ҳауаажәлар ззыԥшу хҭысуп. Сгәы иаанагоит иара абзиабаҩцәа еиуеиԥшым апрограмма агәахәара рнаҭап ҳәа", - лҳәоит Қапԥҳа.

Арифа Қапԥҳа аџьазтә фестиваль иазкны: аџьаз бзиа изымбогьы дыхнахыртә иҟалоит>>

Аԥшьбатәи жәларбжьаратәи афестиваль SUKHUM AQUAJAZZ 2019 аартхоит Аҳәынҭқарратә филармониаҿ ԥхынгәы 3, 5 рзы. Афестиваль рхы аладырхәхьан: ашәаҳәаҩ Рональд Беикер (ЕАА), Алексеи Черемизов итрио (Урыстәыла), Армен Мерабов итрио, аблиуз гәыԥ "Red Rocks", агитарарҳәаҩ Алексеи Кузнецов.

 

Ажәабжьқәа зегьы
0