20:52 05 Рашәара 2020
Ишиашоу ицо аефир
  • USD68.63
  • EUR77.97
Аԥсны
Икьаҿу ахьарԥш аиура
108 0 0

Амҵәышәымпыл азы ахацәа рыбжьара ажәбатәи жәларбжьаратәи атурнир "Сергеи Багаԥшь игәалашәара Ахраҿа" мҩаԥысуеит Аԥсны ԥхынгәы 2-6 рзы.

АҞӘА, ԥхынгәы 3 – Sputnik, Асмаҭ Ҵәыџьԥҳа. Амҵәышәымпыл азы ахацәа рыбжьара ажәбатәи жәларбжьаратәи атурнир "Сергеи Багаԥшь игәалашәара Ахраҿа" иалахәхоит аа-командак ҳәа Sputnik иазаалыцҳаит Аԥсны Аспорт азы аҳәынҭеилакы аинформациатә ҟәша аҟазауаҩ Ирина Гогьиаԥҳа.

Сынтәа еиндаҭлоит Ҟарачы-Черкесиатәи ареспублика, Донецктәи Жәлар рреспублика, Славианск-на-Кубани, Волгоград, Шахты, Беслан, Докучаевск ркомандақәа. Аԥсны ахьӡала иқәгылоит еизгоу амилаҭтә команда.

"Есааира атурнир агеографиа аҽарҭбаауеит. Иҟоуп арахь изныкымкәа иаауа акомандақәагьы, иаҳҳәап, Волгоградаа 9-нтәуп сынтәа иаҳҭаауеижьҭеи", - лҳәоит Гогьиаԥҳа.

Ахәмаррақәа мҩаԥысраны иҟоуп ԥхынгәы 2 - 6 рзы.

Занҭариа: амҵәышәымпыл азы турнир анаҩс асеминаргьы ахьымҩаԥысуа ҳаигәырӷьоит>>

Ԥхынгәы 3 - 4 рзы ахәмаррақәа мҩаԥысуеит асааҭ 10:00 - 14:30 рзы.

Уи адагьы имҩаԥысраны иҟоуп азыҟаҵаратә мастер-классқәа. Урҭ мҩаԥигоит Санкт-Петербург азыҟаҵаҩцәа Иреиҳаӡоу ашкол адиректор, РСФСР зҽаԥсазтәыз азыҟаҵаҩ, СССР аспорт азҟаза Сергеи Елевич.

 

Ихадоу атемақәа