АҞӘА, ԥхынгәы 5 – Sputnik. Аԥсуа боксиор Игор Адлеибеи Камерунтәи абоксиори Герин Сох Фонкуи аринг аҿы иқәгылараны иҟоуп ҳәа радио Sputnik иазеиҭеиҳәеит Игор именеџьер Артур Адлеиба.
"Игор ақәгылара дазыхиоуп. Уажәы ицәеижь кеиԥсароуп. Хәбаҟа кьыла игирхоит. Герин Сох Фонку боксиор бзиоуп. Азыҟаҵаҩцәа Игор аамҭа маҷны иахьимоу ргәы иалоуп", - иҳәоит Артур Адлеиба.
Игор Адлеиба ԥхынгәы 13 рзы "Аԥсны Аҳәынҭқарра ахраҿа" аҟны ақәгылаар игәы иҭан, аха ианаамҭаз ицықәгылоз дырзымԥшааит.
"Игор ипромоутертә еилахәыра иалшо зегь ҟанаҵеит аха атехникатә мзызқәа ирыхҟьаны Игор ара иқәгылара алшом. Ианаамҭаз ицықәгылоз дырзымԥшааит", - иҳәоит амениџьер.
Игор Адлеиба иқәгылара ддырбараны иҟоуп ателеканалқәа "Боец", "Матч-ТВ" рҟны, ԥхынгәы 13 асааҭ 17:00 рзы.
