10:46 23 Нанҳәа 2019
Ишиашоу ицо аефир
  • USD65.62
  • EUR72.83
Санчаратәи акаҵәараҿ имҩаԥгаз аекспедициа аусура аихшьаалақәа ҟарҵеит

Санчаратәи акаҵәараҿ имҩаԥгаз аекспедициа аусура аихшьаалақәа ҟарҵеит

© Фото : предоставлено Николаем Медвенским
Аԥсны
Икьаҿу ахьарԥш аиура
20 0 0

Жәларбжьаратәи арра-ҭоурыхтә експедициа "Санчара. Ашьхақәцәатә фронт-2019" мҩаԥысит Ԥсҳәы, ԥхынгәы 10 - 21 рзы.

АҞӘА, ԥхынгәы 25 – Sputnik, Асмаҭ Ҵәыџьԥҳа. Жәларбжьаратәи арра-ҭоурыхтә експедициа "Санчара. Ашьхақәцәатә фронт-2019" аихшьаалақәа рыла Ԥсҳәы ақыҭан игылоу Кавказ ахьчаҩцәа рмемориал аҟны ижуп Санчаратәи ахырхарҭаҿ еибашьуаз арҟаԥшьаа рыԥсыбаҩқәа ҳәа арадио Sputnik иазеиҭеиҳәеит аекспедициа алахәыла, Ахьӡ-аԥша амузеи адиректор лхаҭыԥуаҩ Николаи Медвенски.

"Арҟаԥшьаа рыԥсыжырҭақәа ҳрыцқьеит. Чамашьха ахыҵырҭаҿы амемориалтә ӷәы ықәҳаргылеит "Арратә хьӡы-ԥша ахыҵырҭа" ҳәа анҵаны. Араҟа аибашьра ӷәӷәа цон 1942 шықәса цәыббрамзазы", - еиҭеиҳәоит иара.

Медвенски иажәақәа рыла аекспедициа иалахәын урыстәылатәи аҵарауаа. Урҭ аԥснытәи рколлегацәеи дареи акопқәа, абатареиатә позициақәа рыԥшаауан.

"Иаарԥшын иара убасгьы Ахьӡ-аԥша амузеи зырбеиаша артефактқәа: армаҭәа, абџьар", - иҳәеит иара.

Санчаратәи ахырхарҭала имҩаԥгаз аекспедициа иаԥхьанеиуан Урыстәыла атәылахьчара аминистрра архиви Урыстәыла арра-ҭоурыхтә архиви рҿы аусурақәа. Абарҭ архивқәа рҿоуп иахьыҵәаху Санчаратәи ар ргәыԥ адокументқәа.

Медвенски иҳәеит аҭҵааратә усурақәа ҵаҵӷәыс ишрымаз АНА археологиатә комиссиеи "Аԥсны Аҳәынҭқарра аҭоурых-культуратә ҭынхеи рзы" Азакәани шьаҭас измоу Аԥсны аҭҵаарадыррақәа ракадемиа иунаҭо Иаарту абӷьыц. Ари абӷьыц ада аҭҵааратә усурақәа азакәаншьаҭа рымам.

Иара убас шәаԥхьар ҟалоит:

Ихадоу атемақәа