01:35 18 Нанҳәа 2019
Ишиашоу ицо аефир
  • USD66.00
  • EUR73.22

Рауль Ҳаџьымбеи Владимир Путини Шәача еиԥылараны иҟоуп

© Sputnik / Сергей Гунеев
Аԥсны
Икьаҿу ахьарԥш аиура
26 0 0

Рауль Ҳаџьымбеи Владимир Путини ҩганктәи аусеицуреи аԥсуа -аурыс еизыҟазаашьақәа ԥхьаҟатәи рыҿиареи рызҵаарақәа ирылацәажәараны иҟоуп Шәача, нанҳәа 6 рзы.

АҞӘА, нанҳәа 5 - Sputnik. Аԥсны ахада Рауль Ҳаџьымбеи Урыстәыла ахада Владимир Путини еиԥылараны иҟоуп Шәача нанҳәа 6 рзы, абри атәы аанацҳауеит Аԥсны ахада ипресс-маҵзура.

"Аиҿцәажәараан Рауль Ҳаџьымбеи Владимир Путини ишьҭырхраны иҟоуп асоциал-ҽкономикатә усеицуреи аԥсуа-аурыс еизыҟазаашьақәа наҟ-наҟтәи рыҿиареи азҵаарақәа", - ҳәа аанацҳауеит апресс-маҵзура.

Рауль Ҳаџьымбеи Владимир Путини раԥхьатәи реиԥылара мҩаԥысит 2014 шықәса рзы. Усҟан дара рнапы аҵарҩит Аиҩызареи астратегиатә усеицуреи рзы Аиқәшаҳаҭра. Аиқәшаҳаҭра напы аҵаҩын Путин шәачатәи ирезиденциа "Бочаров ручей" аҿы абҵара 24, 2014 шықәса рзы.

Аҩбатәи аиԥылара мҩаԥысит лаҵарамза 15, 2015 шықәса рзы, Шәача. Усҟан азхьаԥшра аҭан Аиҩызареи астратегиатә усеицуреи рзы Аиқәшаҳаҭра ахәҭаҷқәа рынагӡара шымҩаԥысуа.

Аԥсныи Урыстәылеи аекономикеи ашәарҭадареи русхк аҟны реинырра иалацәажәан Москва, жәабран 18, 2016 шықәса рзы.

Пицунда, нанҳәа 8, 2017 шықәса рзы имҩаԥысит аԥшьбатәи реиԥылара. Усҟан напы аҵаҩын Амедицинатә ԥгаԥса аиҿкаара аусхк аҟны аусеицуразы Аиқәшаҳаҭра.

Аԥсныи Урыстәылеи рхадацәа аҵыхәтәантәи реиԥылара аҭыԥ аман абҵара 21, 2018 шықәса рзы Шәача ақалақь аҟны. Усҟан дара алацәажәеит ҩганктәи аизыҟазаашьақәа рызҵаарақәа.

Ихадоу атемақәа

  • Аԥсуаа наџьнатә аахыс ирыман ажәаҳәара атрадициа дуқәа. Уи лымкаала рҵеицәа ирыларааӡон. Аԥсуаҭҵааратә институт аетнологиа аҟәша аҭҵаарадырратә усзуҩ Марина Барцыцԥҳа иҳадылгалоит ари аҟазара ҳажәлар рҿы знеишьас, чыдарақәас иамаз, иахьатәи аамҭазы тенденциас изну.

    23
  • Нестор Лакоба сасра дыззаауаз анхаҩ нага, зеиԥшыҟамыз ашәарыцаҩ, Бзыԥҭа аҳаблан ҳаҭыр ду зқәыз, зажәа ҟәышыз, ажәлар ззыӡырҩуаз, аха 37-тәи ашықәс еиқәаҵәақәа раан харада ахара зыдҵаны идырӡыз Маҳҭы Ислам-иԥа Бениа (Кьахьыриԥа) иҭоурых дазааҭгылеит иашьа иԥа имоҭа Беслан Бениа.

    146
  • Иҟоума даҽа ҳәынҭқаррак рхада ртәыла агәы злеисуа абызшәа изымдыруа? Далырхуама уи иҩыза, хшыҩла дкәадамзаргьы? Ауаажәларра рыбжьара агәынамӡара зызцәырнагаз акандидатцәа злахәыз аефиртә аамҭа аԥҟарақәа еиҭакрақәас ԥхьаҟа ирылагалатәузеи? Абарҭ азҵаарақәа дрылацәажәоит Sputnik аколумнист Елеонора Коӷониаԥҳа.

    50