04:54 14 Жьҭаара 2019
Ишиашоу ицо аефир
  • USD64.22
  • EUR70.73

Рауль Ҳаџьымба Москва Аиааира амшныҳәахь днаԥхьоуп

© Sputnik / Alexander Vilf
Аԥсны
Икьаҿу ахьарԥш аиура
14 0 0

Урыстәыла Ахада Владимир Путин Аԥсны Ахада Рауль Ҳаџьымба Аџьынџьтәылатә еибашьра ду аҟны Аиааира 75-шықәса ахыҵра аныҳәамш ахь днеиԥхьеит.

АҞӘА, цәыббра 16 – Sputnik. Урыстәыла Ахада Владимир Путин Аԥсны Ахада Рауль Ҳаџьымба 2020 шықәса лаҵара 9 рзы имҩаԥысраны иҟоу Аџьынџьтәылатә еибашьра ду аҟны Аиааира 75-шықәса ахыҵра аныҳәамш ахь днеиԥхьеит. Абри атәы аанацҳауеит ахада иофициалтә саит.

"Ҳзеиԥш ҭоурых аҟны иналукааша арыцхә азгәаҭо анацизм иаҿагыланы еибашьуаз рҿаԥхьа ҳхырхәоит. Урыстәыла ахаангьы ирхашҭраны иҟам Аиааира ду аагаразы ҳаиашьаратә Аԥсны ажәлар рхаҭарнакцәа рхы шақәырҵаз. Аҵак ду аманы иҟоуп ҳабацәеи ҳабдуцәеи иҳаларааӡаз аиҩызареи аицхыраареи рытрадициақәа. Иахьа урҭ ҳҳәынҭқаррақәа рыбжьара аусеицура аҿиаразы ишьаҭаны иҟоуп", - аҳәоит анаԥхьаратә шәҟәаҿы.

Уаанӡатәи адыррақәа рыла Аиааира амш 75-шықәса ахыҵрахь Путин ааԥхьара рзынаишьҭит Франциа, Китаи, ЕАА, КНДР, Индиа, Пакистан рхадацәа.

Москва иазыԥхьагәаҭоуп инарҭбаау аныҳәатә уснагӡатәқәа.

2015 шықәса рзы Аиааира апарад амҩаԥгарахь иааит 23 ҳәынҭқарра рхадацәа.

Ихадоу атемақәа