03:42 14 Жьҭаара 2019
Ишиашоу ицо аефир
  • USD64.22
  • EUR70.73

РУСДРАМ аҿы алитературатә хәылԥазы мҩаԥысит

© Sputnik / Сария Кварацхелия
Аԥсны
Икьаҿу ахьарԥш аиура
1410

Афестиваль "Риҵаҿ арифмақәа" РУСДРАМ аҟны имҩаԥган. Ахәылԥаз Фазиль Искандер ирҿиамҭа иазкын. Ахәылԥаз аадыртит ашәҟәыҩҩы ду иажәеинраалақәеи ирҿиамҭақәа рцыԥҵәахақәеи рыла.

Сариа Кәарцхьиаԥҳа, Sputnik

РУСДРАМ аҿы алитературатә хәылԥазы мҩаԥысит цәыббра 18 рзы. Сынтәа афестиваль Фазиль Искандер ирҿиамҭа иазкуп. Искандер ихьӡ зху атеатр аҿы ахәылԥаз аадыртит ашәҟәыҩҩы ду иажәеинраалақәеи ирҿиамҭақәа рцыԥҵәахақәеи рыла.

© Sputnik / Сария Кварацхелия
РУСДРАМ аҿы алитературатә хәылԥазы мҩаԥысит

"Сынтәатәи афестиваль Искандер ду изкуп. Иара еснагь дҳалагылоушәа ацәанырра ҳамоуп. Аԥсҭазааратә мҩа ҳирбоит, иаҳирҵоит", - лҳәеит апроект автор Зарина Канукова.

Алитературатә хәылԥазы мҩаԥыргеит РУСДРАМ арт-фоие аҿы. Ара асеиԥш иҟоу ахәылԥазқәа рзы ианаало аҭагылазаашьа аԥҵоуп.

РУСДРАМ имҩаԥысуаз ахәылԥаз иалахәын: Ҟабарда-Балкариатәи актиорцәа Олег Гусеинови Џьамал Теунови, иара убасгьы РУСДРАМ актиорцәа Џьамбул Жорданиа, Милана Ломиаԥҳа, Емиль Петров.

Олег Гусеинови Џьамал Теунови афестиваль ралахәра машәырым, дара рлахьынҵа Аԥсны алахьынҵа иадҳәалоуп ҳәа лҳәеит афестиваль адиректор Лиубовь Сосналиева.

"Олег Гусеинов – хатәгәаԥхарала Аԥсны деибашьуан. Џьамал Теунов иаб иашьа Аԥсны хабарда дыбжьаӡит. Аибашьра еиднакылеит ҳажәларқәа", - лҳәоит Сосналиева.

© Sputnik / Сария Кварацхелия
РУСДРАМ аҿы алитературатә хәылԥазы мҩаԥысит

РУСДРАМ аҿы раԥхьаӡа акәны Искандер ирҿиамҭа адыгабызшәала иҩныҩит. Олег Гусеинов даԥхьеит ажәеинраала "Аирыӡқәа".

"Афестиваль ҩынтәуп имҩаԥысуеижьҭеи. Аҩынтәгьы саҭааит. Агәахәара дугьы соуит. Ишьахәны избоит сынтәа афестиваль Фазиль Абдул-иԥа иахьизку. Иара ирҿиамҭақәа урыԥхьацыԥхьаӡа иҿыцу ак еилукаауеит. Зарина Канукова хаз ҭабуп ҳәа лаҳәатәуп аҽазныкгьы Искандер инырра ахьаҳзаллыршаз", - лҳәоит ахәаԥшҩы Альбина Анқәабԥҳа.

Афестиваль мҩаԥысуеит Аԥсны акультуреи аҭоурых-культуратә ҭынха ахьчареи рзы аминистрра адгыларала, Аԥсны Афырхаҵа Сулҭан Сосналиев иԥшәмаԥҳәыс Лиубов Сосналиевеи, ашәҟәыҩҩы, ажурналист Зарина Кануковеи раԥшьгарала.

© Sputnik / Сария Кварацхелия
РУСДРАМ аҿы алитературатә хәылԥазы мҩаԥысит

Ихадоу атемақәа