АҞӘА, цәыббра 26 – Sputnik. 60-ҩык рҟынӡа аурыс бызшәа акурсқәа рахь рҽанырҵеит ҳәа арадио Sputnik Аԥсны иазеиҭалҳәеит Урыстәылатәи акультуратә центр афонд анапхгара аиҳабы Наталиа Каиун.
"Аҵараз инеиз шықәсыла еиуеиԥшым. Иҟоуп ашкол иҭоу, иҟоуп иалгахьоу. Аиҳарак здыррақәа ирыззырҳар зҭаху роуп. Уи гәахәароуп", - ҳәа ахылҳәаауеит Каиун.
Акурсқәа рзыӡырыҩцәа ҩ-гәыԥкны ишеихшоугьы программак ала аҵара рҵалоит.
Каиун лажәақәа рыла арҵаҩцәа ирылшо ҟарҵалоит аҵаҩцәа рхаҭа адырра аиура иазгәышьырц азы.
"Ахәыҷы иацәажәашьа уанақәшәа, ароль ду нанагӡоит. Ахәыҷы иеилуркаароуп аӡәы изы акәымкәа, ихазы шакәу аҵара зиҵо", - лҳәеит лара.
Аԥсны иҟоу Россотрудничество ахаҭарнакра хәыда-ԥсадатәи аурыс бызшәа аҵаразы акурсқәа мҩаԥнагоит Аԥсны ауааԥсыра рзы.
Аурыс бызшәа – адунеи аҟны изҳәо, зхы иазырхәо рхыԥхьаӡара англыз, акитаи, хинди, аиспан, араб бызшәаәқа зҳәо рышьҭахь афбатәи аҭыԥ ааннакылоит. Иахьазы урыс бызшәала ицәажәоит 146 миллионҩык Урыстәылатәи афедерациа аҩнуҵҟа, 127 миллионҩык – аҳәаанырцә.
Иара убас шәаԥхьар ҟалоит:
-
Sputnik аҿы иалацәажәеит апроект "Аԥхьагылаҩцәа ҿыцқәа Ракадемиа" асеминарқәа
