"Аиааира Ахраҿа" Узбекистан акоманда ианашьахеит

© SputnikМеждународный турнир по мини-футболу среди инвалидов-ампутантов
Международный турнир по мини-футболу среди инвалидов-ампутантов - Sputnik Аҧсны
Анапаҵаҩра
Ахымхәацәа-ампутантцәа рыбжьара ашьапылампыл маҷ азы атурнир "Аиааира Ахраҿа" бжьынтәуп имҩаԥыргоижьҭеи. Уажәазы Аԥсны акоманда адагьы аҽа хә-командак алахәын.

АҞӘА, жьҭаара 14 – Sputnik, Бадраҟ Аҩӡба. Ахымхәацәа-ампутантцәа рыбжьара имҩаԥгаз ашьапылампыл маҷ азы Жәларбжьаратәи атурнир "Аиааира Ахраҿа" хыркәшахеит Узбекистан акоманда аиааирала, иҳәеит ахымхәацәа-ампутантцәа рыбжьара ашьапылампыл маҷ азы Афедерациа аиҳабы Џьамал Барцыц.

Ахымхәацәа-ампутантцәа рыбжьара ашьапылампыл маҷ азы атурнир - Sputnik Аҧсны
Ахымхәацәа-ампутантцәа рыбжьара Жәларбжьаратәи атурнир аадыртит Аҟәа

"Афинал аҿы Узбекистан акомандеи Аԥсны акомандеи еиндаҭлон. Узбекистанаа аиааира ргеит 8 – 2 ҳәа. Ари џьашьатәӡам, избанзар Узбекистан акоманда реиҳа иӷәӷәоу ҳәа иԥхьаӡоуп, ԥшьынтә адунеи ачемпион ҳәа ахьӡ иаԥсахахьеит", - иҳәеит иара.

Барнаулаа ирыцыхәмаруаз даӷьысҭанаа ахԥатәи аҭыԥ ныркылеит. Атурнир аихшьаалақәа рыла иреиӷьу амбахьчаҩ ҳәа ихьӡ ҳәан Исмаил Марцханов (Чечнтәыла), иреиӷьу ахьчаҩ - Умид Сирожитдинов (Узбекистан", иреиӷьу ажәылаҩ –Марат Старчак (Даӷьысҭан).

Иреиӷьу ахәмарцәа ҳәа иалыркааит: Денис Макеикин (Барнаул), Роман Матиашов (Аԥсны), Константин Остапенко (Кемерово), Джамиль Шукуров (Узбекистан), Алидибир Расулов (Даӷьысҭан).

Ахымхәацәа-ампутантцәа рыбжьара ашьапылампыл маҷ азы атурнир "Аиааира Ахраҿа" мҩаԥысуан жьҭаара 7-13 рзы, Аҟәа.

Ажәабжьқәа зегьы
0