18:29 12 Нанҳәа 2020
Ишиашоу ицо аефир
  • USD73.24
  • EUR85.96
Аԥсны
Икьаҿу ахьарԥш аиура
20 0 0

Аҵыхәтәантәи амчыбжь иалагӡаны Шәачатәи аҳазалхыҩцәа аҳәааҿы иааныркылахьеит 7000 пачка аҭаҭын аалыҵ.

АҞӘА, жьҭаара 16 - Sputnik. Урыстәылеи Аԥсни рҳәааҿы аконтрабандатә сигаретқәа ааныркылеит. Аԥснынтәи аҳәаахь инеиз автомашьынақәа рҟны 7000 пачка аҭаҭын рыдырбалеит. Абри атәы аанацҳауеит Шәача аҳазалхратә усбарҭа апресс-маҵзура.

Ииасыз амҽышазы шәачатәи аҳазалхыҩцәеи аҳәаахьчаҩцәеи аушьҭырҭатә ҭыԥ Адлер аҿы иааныркылеит автомашьынақәа ҩба.

Автомашьына ВАЗ "21213" амобилтә инспекциа–гәаҭаратә комплекс ала агәаҭараан аҵәахырҭақәа ирҭаз аҭаҭын аалыҵ адырбалеит.

"Нива" аидараҭаҵарҭа аҟәшаҿы аҭаҭынҵәахырҭа азырхианы иҟан. Асигареҭ иара убасгьы иҵәахын амашьына акәырқәа рыҩнуҵҟа. Зынӡа иааидкыланы "Нива" ала аҳәаа иахыргон ашәҟәы иҭагаламыз 851 пачка асигареҭ.

Аԥснынтәи инеиз даҽа автомашьынак, "ГАЗ 3302" уахьахәаԥшуаз гәыҩбара узцәырнагомызт, аха уигьы амобилтә инспекциа–гәаҭаратә комплекс ала агәаҭараан аҵәахырҭақәа ирҭаз аҭаҭын аалыҵ рыԥшааит.

"Газель" агәаҭараан ирыԥшааз аҵәахырҭақәа ирҭан 498 ҭоԥ асигарет акцизтә маркақәа рыда.

Аушьҭырҭатә ҭыԥ "Адлер" аиҳабы ихаҭыԥуаҩ Алексеи Быков иазгәеиҭеит аҳәааҿы ишырацәахаз аҭаҭынаалыҵ закәаншьадаҭа аиагара аҽазышәара.

Изакәанмыз атауари амашьынақәеи ааныркылеит. Атауар аекспертизахь инашьҭуп. Ахҭыс аганахьала аусҭҵаара хацыркуп.

Ашықәс иалагазар Ԥсоу хә-нызқь ҭоԥ аҭаҭын аалыҵ ааныркылахьеит.

Аҵыхәтәантәи амчыбжь иалагӡаны Шәачатәи аҳазалхыҩцәа иааныркылахьеит 7000 пачка аҭаҭын аалыҵ.

Иара убас шәаԥхьар ҟалоит:

Ихадоу атемақәа