06:21 11 Нанҳәа 2020
Ишиашоу ицо аефир
  • USD73.78
  • EUR86.83
Аԥсны
Икьаҿу ахьарԥш аиура
41 0 0

Арԥыс игәабзиара шышьақәгылалак амедицинатә комиссиа деиҭахыжьхоит. Аррамаҵзура ахысразы ԥынгыла ҟамлар, архәҭахь деиҭанашьҭхоит.

АҞӘА, жәабран 3 – Sputnik, Сариа Кәарцхьиаԥҳа. 2001 шықәса рзы ииз аԥсуа ар аррамаҵзурауаҩ аҽшьра иҽазишәеит ҳәа Sputnik иазеиҭарҳәеит Апрокуратура хада апресс-маҵзураҿы.

Ахҭыс аҭыԥ аман ажьырныҳәа 26 рзы Гәдоуҭа араион Лыхны ақыҭан, аррамаҵзурауаҩ иҩнаҿы.

Апрокуратура хадаҿы ишазгәарҭаз ала аруаҩ мызкоуп арраҿ дыҟоижьҭеи иҵуа. Иара аррамаҵзура дахысуан Гәдоуҭатәи архәҭаҿы. Апрокуратура хадаҿы иара ихьӡ дмырзеит.

"Уи аҽны иара иҩны дыҟан. Згәыцә 16 калибр иҟаз абџьар ала ихы даехсит. Ареспубликатә хәышәтәырҭаҟны аоперациа изуын. Иахьа ҳара иҳақьым ҳиацәажәон. Уажәы иара иҭагылазаашьа акыр иҭышәынтәалоуп", - рҳәеит апресс-маҵзураҿы.

Аусҭҵаара мҩаԥнагоит Арратә прокуратура. Аусҭҵаар макьаназ ихыркәшам аррамаҵзурауаҩ иҭагылазаашьа инамаданы иҿахәы ахьиҿырымхыц азы.

Иара ихы зыхирҟьаз еилкаам. Иуацәеи иҭаацәеи ражәақәа рыла аҽшьразы мзызк ыҟан рыздырам.

"Аҳақьымцәа иҿцәажәара азин анҳарҭо ҳазыԥшуп. Ишьақәыргылатәуп иҟалаз мзызны иамоу. Аҭыԥ аҿы иарбанызаалак шәҟәдыррак аанимыжьит, аҽшьразы мзызк иманы аӡәгьы издырам", - азгәарҭеит Аусбарҭаҿы.

Арԥыс игәабзиара шышьақәгылалак амедицинатә комиссиа деиҭахыжьхоит. Аррамаҵзура ахысразы ԥынгыла ҟамлар, архәҭахь деиҭанашьҭхоит.

Ихадоу атемақәа