Уамак ирылаҽым: аҳақьымцәа ачымазараҿкқәа ирылацәажәеит

© Sputnik Республиканская больница
Республиканская больница  - Sputnik Аҧсны
Анапаҵаҩра
2019 шықәса иаҿырԥшны амедицинатә усҳәарҭақәа рахь ауаа рыдҵаалара акыр еиҳауп ҳәа азгәарҭеит амедицина аусзуҩцәа.

АҞӘА, жәабран 5 – Sputnik, Асмаҭ Ҵәыџьԥҳа. Жәабран 1 азы Ареспубликатә хәыҷтәы хәышәтәырҭаҿы ашәҟәы иҭаҩын ичмазаҩны уахь инеиз 1765-ҩык. Абри атәы Sputnik иазеиҭеиҳәеит ахәышәтәырҭа аҳақьым хада Игор Џьопуа.

Иара иажәақәа рыла ажьырныҳәамзазы ахәышәтәырҭа иҭан 92-хәыҷы.

Первый день учебы учеников 2 школы - Sputnik Аҧсны
Авирустә чымазарақәа ирыхҟьаны Аҟәа ашколқәеи ахәыҷбаҳчақәеи русура ԥкхоит

"Анцәа иџьшьаны ачымазара уамак ирылаҽны иҟам, уи аҟнытә арахь иааргахьо ахәыҷқәа шамахамзар ахԥатәи амш азы илҩаауп. Зыда ԥсыхәа ыҟам ахәшәқәа рыла ҳаибыҭоуп", - иҳәеит Џьопуа.

2019 шықәса иаҿырԥшны амедицинатә усҳәарҭақәа рахь ауаа рыдҵаалара акыр еиҳауп ҳәа азгәеиҭеит иара.

Аԥсны атерапевт хада Анжела Арчелиаԥҳа лажәақәа рыла ажьырныҳәа 1 инаркны жәабран 4 рҟынӡа Ареспубликатә хәышәтәырҭа хадахьы ахьҭа рылаланы инаргахьеит 1300-ҩык. Урҭ рҟынтәи ахәышәтәырҭаҿы иааныжьын 69-ҩык. Иахьазы 24-ҩык шьҭоуп, ԥшьҩык рҭагылазаашьа хьанҭоуп.

"Иахьазы ахәышәтәырҭаҿы акарантин рылаҳәоуп. Аполиклиникаҿ асааҭ 16:00 рҟынӡа ауаа рыдыркылоит, атерапевт дҷаԥшьоит", - лҳәеит лара.

Аҟәа ахәыҷбаҳчақәеи аиҵбыратә классқәеи аркуп жәабран 4 - 10 рҟынӡа.

Ажәабжьқәа зегьы
0