Бганба адҵа ҟаиҵеит Аԥсни Қырҭтәылеи рҳәаа хәажәкыра 14 инаркны иаркызарц

© Foto / Кабинет министров РАВалерий Бганба провёл совещание о мерах по предупреждению распространения коронавируса на территории Абхазии
Валерий Бганба провёл совещание о мерах по предупреждению распространения коронавируса на территории Абхазии - Sputnik Аҧсны
Анапаҵаҩра
Коронавирус аҽацәыхьчаразы аусбарҭабжьаратә штаби Адәныҟатәи аусқәа рминистрреи рнапы ианҵоуп Аԥсны ауааԥсыра агәылара тәылахь рцара ԥыркырц уа иазгәаҭоу акоронавирустә инфекциа иахырҟьаны.

АҞӘА, хәажәкыра 11 - Sputnik. Аԥсны ахада инапынҵақәа назыгӡо Валери Бганба адҵа ҟаиҵеит Аԥсни Қырҭтәылеи рҳәаа 2020 шықәс ахәажәкыра 14 инаркны иаркызарц ҳәа аанацҳауеит аиҳабыра рсаит.

"Абри азы Аԥсны ахада инапынҵақәа назыгӡо Валери Бганба иусдҵа ҭыжьхоит иахьа, хәажәкыра 11 рзы", - аҳәоит асаит адырраҭараҿы.

Аԥсны ахада инапынҵақәа назыгӡо Валери Бганба жәабран 27 рзы инапы зҵеиҩыз адҵа инақәыршәаны Аԥсны атәылауаа Қырҭтәылаҟа рцаразы азиншәҟәқәа рыҭара аанкылоуп мшаԥы 7 рҟынӡа Қырҭтәыла аҭыԥ змоу коронавирус иахырҟьаны.

Минздрав Абхазии - Sputnik Аҧсны
Аԥсны коронавирус аҿагыларазы ауснагӡатәқәа еиҳагьы идырӷәӷәоит

Аԥсны агәабзиарахьчара аминистр Ҭамаз Ҵахнакьиа аштаб аусура атәы далацәажәеит, акоронавирустә инфекциа асимптомқәа иреиԥшу асимптомқәа зызцәырҵуа рхылаԥшра шымҩаԥысуа атәы иҳәеит.

"Акоронавирустә инфекциа асимптомқәа иреиԥшу асимптомқәа зызцәырҵуа експресси ПЦР-диагностикеи рыла агәаҭара иахҳажьуеит аимҳәа аштаммқәа А, В рышьақәыргылараз. Аимҳәа шьақәыргыламзар, асимптоматика шьҭыҵуазар, Ставрополь ареференс-лабораториахь иҳашьҭуеит", - иҳәоит иара.

Иара убасгьы иазгәеиҭоит аекспресс-тестқәа Аԥсныҟа иааргараны ишыҟоу хәажәкыра 19 рзы.

Иара убас шәаԥхьар ҟалоит:

Ажәабжьқәа зегьы
0