Хәажәкыра 16 ашьыжь асааҭ ԥшьба инаркны аҳҭнықалақь ахәҭак лашарада иаанхеит ҳәа иҳәеит афымцахархәагақәа Аҟәатәи русбарҭа аиҳабы Ҭемыр Џьынџьал.
АҞӘА, хәажәкыра 16 – Sputnik. Сааҭқәак рыҩныҵҟа Аҟәа ақалақь ахәҭак лашарада иаанхеит ҳәа Sputnik иазеиҭеиҳәеит афымцахархәагақәа Аҟәатәи русбарҭа аиҳабы Ҭемыр Џьынџьал.
"Астанциа маҷ НИИ ЭПиТ аҿы авариа ҟалеит. Ишьақәҟьеит ажәбатәи афидер. Уи аремонт мҩаԥыргоит "Амшынеиқәафымцамч" абригада", - иҳәеит иара.
Лакоба, Карл Маркс уҳәа ақалақь иалсуа амҩадуқәак рҟны афымцалашара ыҟамызт. Уажәазы зегь шьақәыргылоуп, ауааԥсыра фымцалашарала еиқәыршәоуп иҳәоит Џьынџьал.
Аҵиаақәа ркарантин азы Аԥсны аҳәынҭқарратә инспекциа абжьгарақәа ҟанаҵеит ҿыц ицәырҵыз ақыҭанхамҩа аԥхасҭа азҭо аԥырҟәҟәаразы.
Гагратәи араионтә хәшәтәырҭа акабинетқәеи ареанимациатә ҟәшеи еиҭашьақәыргылахоит аҭыԥантәи анаплакҩцәа рыцхыраареи араионтә биуџьет иазаунажьуа аԥаралеи.
Аԥкьаҭ асразы атурнир мҩаԥысуеит 2001 шықәса раахыс, 2004 шықәса рзы Беслантәи арыцҳара инамаданы атурнир мҩаԥгамызт.
