АҞӘА, хәажәкыра 22 – Sputnik. 12:00 сааҭ рзы зегьы иреиҳаны алхыҩцәа ахьааиз раионуп Гал араион – 41, 07%, уаҟа рыбжьы арҭахьеит зынӡа 478-ҩык алхыҩцәа. Абри азы адырра ҟанаҵеит Алхратә комиссиа хада жәларбжьаратәи апресс-центр аҟнытә.
Очамчыратәи араион аҩбатәи аҭыԥ ааннакылоит, уаҟа ааира 29,05% шьақәнартәоит абыржәтәи аамҭазы, 4531-ҩык рыбжьы арҭахьеит.
Реиҳа имаҷны абжьыҭара зхы алазырхәхьоу раионуп Аҟәа, абраҟа рыбжьы рҭиит 7838-ҩык ауааԥсыра – 20%. Гәдоуҭа араион аҟынгьы абжьыҭара рацәак иахыццакуам, ааира апроцент 22,49% ыҟоуп, рыбжьы арҭеит 6165-ҩык.
Анаҩс ицоит Тҟәарчал араион, ааира процентла 23,08% ыҟоуп, хыԥхьаӡарала – 1322-ҩык. Гәылрыԥшьи Гагреи араионқәа рааишьақәа еиԥшуп: 25,03%, 25,45%. Аҟәатәи араион аҟны абжьыҭара иахьӡахьеит 1921-ҩык, ааира апроцент – 26,29%.
Аԥсны ахада иалхрақәа мҩаԥысуеит амҽыша, хәажәкыра 22 рзы. Ахадарахьы иқәгылоуп хҩык акандидатцәа: Адгәыр Арӡынба, Аслан Бжьаниа, Леонид Ӡаԥшьба.
Аԥсны атәыла ахада иалхрақәа рымҩаԥысшьа иазку ажәабжьқәа шәрыԥхьарц шәылшоит Sputnik Аԥсны а-Telegram каналаҿы, иара убас асаит аҟны ицо аонлаин текст аҿы.
Иара убас шәаԥхьар ҟалоит:
-
АКХ Аԥсны ахада иалхрақәа шымҩаԥысуа азы раԥхьатәи адыррақәа ҟанаҵеит
-
Аслан Бжьаниа ахада иалхрақәа рҿы ибжьы аиҭеит
-
Атәыла ахадарахьы акандидат Леонид Ӡаԥшьба ибжьы аиҭеит
