07:57 28 Жьҭаара 2020
Ишиашоу ицо аефир
  • USD76.46
  • EUR90.36
Аԥсны
Икьаҿу ахьарԥш аиура
13 0 0

Ашьапылампыл асразы адунеитә чемпионат ConIFA-2020 мҩаԥысраны иҟан Аҩадатәи Македониа ҳазҭоу ашықәс, лаҵарамза 30 инаркны рашәарамза 7 рҟынӡа.

АҞӘА, хәажәкыра 24 – Sputnik. Ашьапылампыл асразы адунеитә чемпионат ConIFA-2020 аԥырхит акоронавирус амшала ҳәа аацҳамҭа ҟарҵеит аиҿкаара аофициалтә саит аҟны.

Ари аҩыза аӡбамҭа аднакылеит ConIFA анагӡаратә еилакы.

"Ҳара зегьы даара агәалсра ҳамоуп ачемпионат аԥыхра ахьҳақәшәаз азы. Аха аиҿкаара алахәцәеи, акомандақәеи, аволонтиорцәеи, азгәыбылҩцәеи ргәабзиара – ихадараӡоу усуп ҳа ҳзы", – иҳәеит ConIFA ахада Пер-Андерс Блинд.

Адырраҭараҿы иазгәаҭоуп ачемпионат амҩаԥгара аналыршахаша арыцхәқәа асаит аҟны ҷыдала ирылаҳәахоит ҳәа.

Уаанӡа иҟаз адыррақәа рыла, иаԥыху ачемпионат мҩаԥысраны иҟан Аԥснытәи акоманда аламырхәӡакәа. Усҟан ConIFA ахада ихаҭыԥуаҩ Дмитри Пагәаа ишиҳәоз ала, Аԥсны ашьапылампыл асразы адунеитә чемпионат ConIFA-2020 иалахәхаӡом аквалификациатә хәмаррақәа маҷны иахьымҩаԥнагахьоу азы.

Ихадоу атемақәа