18:46 14 Ԥхынгәы 2020
Ишиашоу ицо аефир
  • USD71.13
  • EUR80.62
Аԥсны
Икьаҿу ахьарԥш аиура
14 0 0

Анцәа ихаҵаҩцәа ргәы иҭоуп 15 километра иназынаԥшуа аџьартә ныҟәара амҩаԥгара. Уи акоронавирус аҿагылара иазкуп.

АҞӘА, хәажәкыра 25 – Sputnik, Бадри Есиава. Аԥсны Аиашахаҵаратә уахәама ахада Виссарион Аԥлиа дақәныҳәеит Аҟәатәи акафедралтә уахәамаҟынтә Каман ақыҭаҿтәи ауахәамаҟынӡа имҩаԥгахараны иҟоу аџьартә ныҟәара ҳәа иҳәеит аидеиа аԥшьгаҩцәа ируаӡәку ақәԥаратә клуб "Георгий Победоносец" азыҟаҵаҩ Ҭеимураз Гьергьедаа.

"Ҳара иаҳҭахуп ашәарҭара аҿаԥхьа ҳҽеизакны Анцәа ҳиҳәарц. Абри аԥшьгамҭа аб Виссарион идаагалеит. Иара уи дақәныҳәеит. Иааиуа амчыбжь, аԥшьаша ма асабша Аҟәатәи акафедралтә уахәамаҟынтәи ақалақь зегьы ҳалсны Каман ақыҭаҿтәи ауахәамаҟынӡа ҳнеиуеит", - иҳәеит Гьергьедаа.

Аныҟәара амаршрут 15 километра рҟынӡа ыҟоуп. Аџьартә ныҟәара иалахәуп аспортсменцәа ҿарацәагьы. Аиашахаҵаратә церемониа хадара азиуеит Аԥсуа уахәама амаҵуҩцәа руаӡәк.

Аб Виссарион Аԥлиа иазгәеиҭеит аџьартә ныҟәара авирусқәа зегьы рҿагылара ишазхоу.

Иахьатәи аамҭазы Аԥсны иахьаҵанакуа аӡәгьы акоронавирус ихьуам.

Иара убас шәаԥхьар ҟалоит:

Ихадоу атемақәа