АҞӘА, хәажәкыра 31 - Sputnik. Акоронавирус аҟынтәи аҽыхьчаразы аоперативтә штаб адырра ҟанаҵеит Нино Хецуриани лмаршрут зеиԥшраз азы.
Аштаб адырраҿ ишаҳәо ала, Хецуриани Москвантәи дааит хәажәкыра 29 рзы ашьыжь, асааҭ 10:50 рзы, аилахәыра "Уральские авиалинии" иатәу ареис U6 407 ала.
Аштаб аҳәара ҟанаҵоит абри ареис ала иԥыруаз зегьы рхы ԥхтаркырц, мамзаргьы иахьынхо аҭыԥ ала амедицинатә хәышәтәырҭақәа рахь инеирц.
Иара убасгьы Аԥсны аҩнуҵҟа Хецуриани лныҟәара амаршрут шьақәыргылоуп. Лара чарак ахьи ԥсрак ахьи дымнеит.
Хәажәкыра 29 ауха Хецуриани Аберқыҭынтәи Жәыргьыҭҟа диаган. Ауааԥсыра рынеиҭаҵ-ааиҭаҵра алмыршаразы ақыҭа алалареи алҵреи ԥкуп. Уажәазы Хецуриани акоронавирус лымоу илымаму азы ахыркәшаратә тест иазыԥшуп аштаб аҟны.
Иара убас шәаԥхьар ҟалоит:
-
Акоронавирус змаз аԥҳәыс лыкәша-мыкәша иҟаз ауаа шьақәыргылоуп
