Акоронавирус змоу ауаҩԥсы Гәдоуҭатәи ахәышәтәырҭахь днагоуп

© Sputnik / Томас ТхайцукГудаутская ЦРБ
Гудаутская ЦРБ - Sputnik Аҧсны
Анапаҵаҩра
Ареспублика аепидемиологиатә маҵзура акоронавирус зыхьыз ачымазаҩ икәша-мыкәша иҟаз ауаа ҭнаҵаауеит.

АҞӘА, мшаԥы 7 - Sputnik. Аԥсны раԥхьаӡа акәны дшьақәыргылоуп акоронавирус змоу Гагра инхо ауаҩԥсы. Иара Гәдоуҭатәи ахәышәтәырҭахь днагоуп. Абри атәы аалыцҳаит ареспублика асанитартә ҳақьым хада Лиудмила Скорик.

"Ачымазаҩ ахәышәтәырҭахь днагоуп. Уажәазы иҭагылазаашьа цәгьам. Иара Москвантә дааит. Уи уа акомандировка дыҟан", - лҳәоит Скорик.

Лара лажәақәа рыла, ареспублика аепидемиологиатә маҵзура ачымазаҩ икәша-мыкәша иҟаз ауаа ҭнаҵаауеит.

"Ҳтәылауаа реиҳараҩык аҽыԥхьакра арежим иахьықәымныҟәо иахҟьаны Агәабзиарахьчара аминистрра иахәҭаны иҟоу ауснагӡатәқәа зегь аднакылоит аинфекциа алаҵәара аԥкразы", - лҳәоит Скорик.

Лара лажәақәа рыла акоронавирус аҟазаара ҳгәы ҳҽанымкәа акәӡам ишыҟалаз.

Коронавирус  - Sputnik Аҧсны
Аԥсны акоронавирус зыхьыз аӡәы дшьақәыргылоуп

"Ҳара ауадаҩра дуқәа ҳрықәшәар ҟалоит. Ҳтәылауаа Ахада идҵақәа, Аминистрцәа реилазаара абжьагаратә шәҟәқәа, Агәабзиарахьчара аминистр идҵақәа рлымҳа иаҩрыжьуан", - лҳәоит Скорик.

Адунеитә пандемиа инадҳәаланы раԥхьатәи аԥкрақәа алагалан хәажәкыра 25 рзы. Қырҭтәылеи Аԥсни рҳәаа аркуп хәажәкыра 13 раахыс.

Аԥсны иахьаҵанакуа акоронавирус аламырҵәаразы иаԥҵан Агәабзиарахьчара аминистрра Аоперативтә штаб, ахәышәтәырҭақәа рҟны иаартуп адкыларҭа-еихшаратә ҭыԥқәа.

Аҵыхәтәантәи адыррақәа инарықәыршәаны адунеи аҿы авирус ҿыц рыдбалоуп миллионки 340 000-ҩык ауаа.

Акоронавирус алаҵәара иадҳәалоу ажәабжьқәа зегьы шәрыԥхьар ҟалоит абра>>

 

Ажәабжьқәа зегьы
0