АҞӘА, мшаԥы 21 - Sputnik, Асмаҭ Ҵәыџьԥҳа. Аԥсуа тәанчахәы А́ҟәа ауааԥсыра рбанктә хсаалагақәа рахь иахыԥхьаӡалахоит мшаԥы 21 рзы ҳәа Sputnik иазеиҭеиҳәеит Аԥсны Амилаҭтә банк ахантәаҩы Беслан Бараҭелиа.
"Зегьы аграфик аҳәаақәа ирҭагӡаны имҩаԥгахоит. Атәанчахәы амза 18 рзы иаҳшәараны ҳаҟан, аха ари амш ԥсшьарамшын азы раԥхьатәи аусуратә мшы азы иаҳшәоит. Амилаҭтә банк аусуҩцәа аԥыхьатә режим ала аусурақәа мҩаԥыргоит", - иҳәоит иара.
Аԥсны агәабзиарахьчара аминистрра азинтә усбарҭа аиҳабы Ромео Черқьезиа иажәақәа рыла, ауааԥсыра ирызшәахоит егьырҭ асоциалтә шәарақәеи аԥарацҵақәеи.
Уаанӡа Амилаҭтә банк ахантәаҩы атәылауаа рахь аҳәара ҟаиҵахьан агәаранқәа ҟамларц аԥараиуразы аԥхьатәи амшқәа рзы зегь еицымнеирц. Бараҭелиа убри аан иҳәеит атәылаҿы аԥара адефицит шыҟам.
Ареспублика абанкқәа рҿы арзҩыдаратә усурақәа мҩаԥысуеит асанитар-епидемиологиатә маҵзура абжьгарақәа инарықәыршәаны.
Бараҭелиа абжьгара ҟаиҵеит аԥарақәа рырзҩыдара шырзалмыршо убри азы абанкоматқәа рҟны аԥарагараан анапҭырԥақәа рымӷазарц.
Акоронавирус иадҳәалоу ҳажәабжьқәа зегьы шәрыԥхьар ҟалоит абра>>
