АҞӘА, мшаԥы 22 - Sputnik. Аԥсны ахада инапынҵақәа назыгӡо Валери Бганба аусдҵа инапы аҵеиҩит Очамчыреи Гәдоуҭеи араионқәеи Афон ҿыц ақалақьи рхадақәа аамҭала рнапынҵақәа назыгӡо рганахь ала.
Абри атәы аанацҳауеит ахада исаит.
Очамчыреи Гәдоуҭеи араионқәеи Афон ҿыц ақалақьи рхадацәа рнапынҵақәа шышьҭарҵо азы арзаҳалқәа рҩит. Арзаҳалқәа инарықәыршәаны, мшаԥы 22 рзы рнапынҵақәа рҟынтәи рхы иақәиҭтәуп: Геннади Ҵәыџьба (Очамчыра араион), Руслан Ладариа (Гәдоуҭа араион), Феликс Дауҭиа (Афон Ҿыц).
Очамчыра араион ахада инапынҵақәа аамҭала инаигӡалоит Михаил Агрба.
Афон Ҿыц ахада инапынҵақәа аамҭала инаигӡалоит Адгәыр Џьениа.
Гәдоуҭа араион ахада инапынҵақәа аамҭала инаигӡалоит Вианор Ҭаниа.
Иара убас шәаԥхьар ҟалоит:
- Тҟәарчал араион ахада инапынҵақәа назыгӡо даҭоуп
