Аҽыԥхьакраҿы иҟоу акурсантцәа алеишәа аилагаразы рҵараиурҭақәа ирҭырцар алшоит

© Sputnik / Томас ТхайцукЗаседание штаба
Заседание штаба - Sputnik Аҧсны
Анапаҵаҩра
Аԥыза-министр Александр Анқәаб ари аԥшьгамҭа дадгылеит, акурсантцәа иргәалаиршәеит алеишәа ақәныҟәара шхымԥадатәиу.

АҞӘА, лаҵара 13 – Sputnik, Бадри Есиава. Асасааирҭа "Аиҭар" аҟны аҽыԥхьакразы иҟоу акурсантцәа алеишәа аилагаразы изҭоу аҵараиурҭақәа ирҭырцар алшоит иҳәеит Аԥсны Атәылахьчара аминистр инапынҵақәа назыгӡо Беслан Ҵәыџьба ауааԥсыра акоронавирустә инфекциа рацәыхьчаразы аоперативтә штаб аилатәараҿы лаҵара 13 рзы.

Тамаз Цахнакия - Sputnik Аҧсны
Агәабзиарахьчара аминистрра: ареспубликаҿы аепидемиологиатә ҭагылазаашьа еицәахеит

Аԥсны Атәылахьчара аминистрра анапхгара ирыӡбаз рыларҳәараны иҟоуп акарантин анхыркәшахалак ашьҭахь астудентцәеи рҭаацәеи рзеиԥш еизараҿы.

Аԥыза-министр Александр Анқәаб ари аԥшьгамҭа дадгылеит, акурсантцәа иргәалаиршәеит алеишәа ақәныҟәара шхымԥадатәиу. Аҭаацәа рахь ааԥхьара ҟаиҵеит аҭагылазаашьа хылаԥшра арҭаларц, рыхшара ирабжьаларц.

Аԥсны лаҵара 12 рзы аинфекциа змоу жәаҩык ыҟоуп. Дара зегьы Урыстәылантәи ихынҳәыз аԥснытәи астудентцәа роуп. Астудентцәа асасааирҭа "Аиҭар" аҿы акарантин иахысуеит. Дара уажәы Гәдоуҭатәи ахәышәтәырҭаҿы ишьҭоуп.

Мшаԥымзазы акоронавирус рыхьхьан хҩык Аԥсны атәылауаа. Урҭ рахьтә ҩыџьа Гәдоуҭатәи ахәышәтәырҭа иҭан, ргәабзиара шьақәгыланы рыҩныҟа иоушьҭын. 1925 шықәса рзы ииз аԥҳәыс лыԥсҭазаара далҵит.

Акоронавирус иадҳәалоу ажәабжьқәа зегьы шәырԥхьар ҟалоит абра>>

Ажәабжьқәа зегьы
0