14:36 20 Жьҭаара 2020
Ишиашоу ицо аефир
  • USD77.78
  • EUR91.56
Аԥсны
Икьаҿу ахьарԥш аиура
Ачымазара ҿкы – акоронавирус Аԥсни адунеи аҿи: иалкаау (773)
14 0 0

Акоронавирус жәларбжьаратәи апандемиа ауаа рынеиҭаҵ-ааиҭаҵра адагьы иԥнакит аашьҭымҭақәа раагара аграфик.

АҞӘА, лаҵара 14 - Sputnik, Асмаҭ Ҵәыџьԥҳа. Урыстәылеи егьырҭ атәылақәеи рҟынтәи аашьҭымҭақәа Аԥсныҟа раагара мҩаԥысуеит мызкахь ҩынтә ҳәа Sputnik иазеиҭеиҳәеит Аԥсны аимадареи амассатә коммуникациақәеи рзы Аҳәынҭнапхгараҭара аиҳабы инапынҵақәа назыгӡо Лаша Шамба.

"Аашьҭымҭақәа рыдкылареи раагареи мҩаԥаагоит аҳәынҭқаррабжьаратә еиқәшаҳаҭра инақәыршәаны. Аԥсуа-аурыс ҳәааҿы иҟоу аԥкрақәа инарыдҳәаланы уаанӡеиԥш, жәамш рахь знык акәымкәа, мызк ахь знык иаагоит. Амашьына Аԥсны аҳәаахь ианҭалалак ара арныҟәцаҩцәа 14 мштәи акарантин иаҵанакуеит", - иҳәоит иара.

Шамба иажәақәа рыла, иахьазы Аԥсны аԥошьҭа иркьаҿу аграфик ала аус ауеит, асааҭ 9:00 - 13:00 рзы.

Аҳәынҭқарратә ҳәаа шаркугьы Аԥсны ауааԥсыра ирымоуп алшара аашьҭымҭа аиуразы. Абри аҿы ацхыраара ҟарҵоит атранспорттә маҵзурақәа. Аилахәырақәа рыхәԥсақәа еиуеиԥшым. Иҟоуп хә-кьылак инаӡоу аашьҭымҭаз 1000 мааҭ, иацу акьылақәа рзы 150-150 мааҭ зго. Иҟоуп еиҳа еиҵоу – 10 кьылак азы 1000 мааҭ зго, 10 - 20 кьыла рзы - 2000 мааҭ зго.

Аԥыза-министр Александр Анқәаб иӡбарала, акоронавирус аламырҵәаразы лаҵара 15 рҟынӡа аҳәааҿы аԥкрақәа арбоуп (Аԥсны Аҳәынҭқарраҿы аккредитациа змоу аҳәаанырцәтә усбарҭақәа рдипломатиатә усуҩцәа, аррамаҵзурауаа, Жәларбжьаратәи аидарақәа мҩанызго атранспорт хархәагақәа рныҟәцаҩцәа рзы ада).

Акоронавирус иадҳәалоу ажәабжқәа зегьы шәрыԥхьар ҟалоит абра>>

Атемақәа:
Ачымазара ҿкы – акоронавирус Аԥсни адунеи аҿи: иалкаау (773)

Ихадоу атемақәа