АҞӘА, лаҵара 28 - Sputnik. Аушьҭырҭатә ҭыԥқәа Ԥсоуи Егри рҿы Аԥсны анапхгара иаларгалаз аԥкыратә уснагӡатәқәа иреиуоу ауаа аҽыԥхьакрахь рышьҭреи ичмазаҩу ахәышәтәырҭаҿы рышьҭаҵареи мҩаԥнагоит Агәабзиарахьчара аминистрра. Ари адинамика бзиахь икылнагоит ҳәа лҳәеит ареспублика асанитар ҳақьым хада Лиудмила Скорик коронавирус ауааԥсыра рацәыхьчаразы акоординациатә штаб аилатәараҿы.
"Акарантинтә аамҭақәа раан атәылахь иҭалеит 6 437-ҩык. Арахь иаламызт аидарамҩангагақәа рныҟәцаҩцәа, аррамаҵзурауаа, адипломатиатә усзуҩцәа, иара убасгьы хымш ҳәа алахьеиқәҵаратә усмҩаԥгатәқәа рылахәразы иааз", - лҳәоит Скорик.
Аҵыхәтәантәи ҩымш рыла ареспубликахь иааит 268-ҩык Егры аганахь ала, 283-ҩык Ԥсоу аганахь ала. Дара 14 мшы аҽыԥхьакра арежим ахь ишьҭуп.
Аусурақәа ирыцҵоуп "Аиҭар" аҟынгьы. Уажәы уа иҟоуп 71-ҩык, урҭ рҟынтәи 54 курсант.
Лиудмила Скорик еиҭалҳәеит уа рыҟазаара 13-тәи амш аҽны зегьы акоронавирус азы ишгәарҭо. Ус зыҟарҵо арантәи иоурыжьуа ргәы шыбзиаҵәҟьоу агәрагаразоуп.
"Убас, аԥкыратә режим еилазгаз акурсантцәа ара иаанкылан 19-20 мшы ргәабзиара иныҭкааны иҭҵаахаанӡа", - лҳәеит Скорик.
Ареспубликаҿы ачымазцәа рхыԥхьаӡара аиҵахара иаҿуп ҳәа далацәажәеит асанитартә ҳақьым.
Иара убас шәаԥхьар ҟалоит:
-
Кәарҷиа: аԥсшьаҩцәа раара азҵаара ҭакԥхықәрала ҳазнеироуп
-
Мишустин аҳәара ҟаиҵеит урыстәылаа аҳәаанырцәҟа ԥсшьара имцарц
-
Ҳтәылауаа Қырҭтәыла рҽыхәышәтәра ашьҭахь Аԥсныҟа ихынҳәыр ҟалоит
