Апрокуратура хадаҿы Аԥсны аибашьра аинвалидцәа рфонд  аԥарақәа рхархәашьа ҭырҵаауеит

© Sputnik / Томас ТхайцукЗдание генеральной прокуратуры
Здание генеральной прокуратуры - Sputnik Аҧсны
Анапаҵаҩра
Аԥсны Аџьынџьтәылатә еибашьра аинвалидцәа рфонд аҟны 2019 шықәсазы 33 миллиони 517 нызқьмааҭ инаӡо афинанстә еилагарақәа аарԥшуп.

АҞӘА, рашәара 4 – Sputnik. Аԥсны Апрокуратура хада иатәу азакәанԥҵара анагӡара хылаԥшра азҭо Аусбарҭа аҭҵаара иаҿуп Аԥсны Аџьынџьтәылатә еибашьра аинвалидцәа абиуџьетнҭыҵтәи Рфонд аԥарақәа реиҿкаашьа, рхықәкылатә хархәашьа. Абри атәы рашәара 3 рзы Sputnik иазеиҭарҳәеит аусбарҭаҿ .

Афонд аҟны 33 миллион мааҭ рҟынӡа аилагарақәа шыҟоу атәы лаҵара 27 рзы аԥыза-министр Александр Анқәаб изеиҭеиҳәеит Аԥсны Афинансқәа рминистрра ахылаԥшра-ревизиатә усбарҭа аҟаза хада Адамур Черқьезиа.

"Иахьазы Аԥсны Апрокуратура хада иатәу азакәанԥҵара анагӡара хылаԥшра азҭо Аусбарҭа аматериал аҿы иарбоу адыррақәа ргәаҭара иаҿуп. Азыҳәақәа нашьҭуп еиуеиԥшым аусбарҭақәа рахь. Аусҭҵаара алкаақәа инарықәыршәаны аӡбамҭа рыдыркылоит", - ҳәа иҳәеит аусбарҭа аиҳабы Алексеи Аҩардан.

Апрокуратура хадаҿы ишырҳәаз ала, Аԥсны Афинансқәа рминистрра ахылаԥшра-ревизиатә Усбарҭа аматериалқәа дара рахь инашьҭын лаҵара 5 рзы.

Sputnik акорреспондент иҿцәажәараан Черқьезиа иазгәеиҭеит Аԥсны Афинансқәа рминистрра ахылаԥшра-ревизиатә усбарҭа аматериалқәа рҿы ишыҟам иҟаҵоу азеиԥш материалтә цхыраара хықәкыла ахархәара шаҭаз атәы зҳәо адокументқәа.

Иара убас шәаԥхьар ҟалоит:

Ажәабжьқәа зегьы
0