20:54 26 Цәыббра 2020
Ишиашоу ицо аефир
  • USD76.82
  • EUR89.66
Аԥсны
Икьаҿу ахьарԥш аиура
16 0 0

Урыстәыла амш иазку ашахматтә турнир еиҿнакааит Аԥсны иҟоу Россотрудничество ахаҭарнакра, ҳтәыла ашахматтә федерациа адгыларала.

АҞӘА, рашәара 12 - Sputnik, Асмаҭ Ҵәыџьԥҳа. Аԥсны иҟоу Россотрудничествои ареспублика ашахматтә федерациеи еиҿыркааз Урыстәыла амш иазку ашахматтә турнир 30-ҩык рҟынӡа алахәылацәа еизнагеит ҳәа Sputnik иазеиҭеиҳәеит Аԥсны иҟоу Россотрудничество ахаҭарнакра аконсультант Михаил Масаев.

Иара иажәақәа рыла, аепидемиологиатә ҭагылазаашьа инадҳәаланы атурнир онлаин формат ала имҩаԥган.

"Изҭаху зегьы асаит ҷыдаҿ рыҽҭарҩыр ауан, акомпиутер еицыхәмаруаз еихнашеит. Алахәылацәа акибер-спортсменцәа ҳәа рзуҳәар ҟалоит", - иҳәеит иара.

Атурнир рҽаладырхәит ашколхәыҷқәа реиԥш аԥышәа змазгьы. Актәи аҭыԥ никылеит Артиом Табариан, аҩбатәи –Тристан Кәарцхьиа, ахԥатәи - Ҭемыр Лакрба.

"Ахьы" лоуит 11-шықәса зхыҵуаз Сарида Лакәатааԥҳа. Лара хәышықәса ҵуеит ашахмат дасуеижьҭеи, 48 медал ланаршьахьеит, илоухьеит 22 храҿеи 80 ҳаҭыртә шәҟәи. Лара еиуеиԥшым урыстәылатәи аиндаҭларақәа дрылахәхахьеит, зны-зынла онлаин, аха илҳәоит уеиҿатәаны уаныхәмаруа еиҳа аинтерес шаҵоу.

Онлайн турнир по шахматам ко дню России
© Sputnik / Томас Тхайцук
Онлайн турнир по шахматам ко дню России

Ашколхәыҷқәа рыбжьара аиааира игеит аԥшьбатәи акласс аҵаҩы Нестор Багаҭелиа. Иаргьы Сарида илҳәо дақәшаҳаҭхеит.

Атурнир аиҿкааҩцәа иара убасгьы аԥхьахә лырҭеит зегь иреиҵбыз алахәыла – аашықәса зхыҵуа Николь Карапетиан.

Урыстәыла амш иазку ашахматтә турнир мҩаԥысит аспорттауарқәа рыдәқьан "Логос" атехникатә дгыларала.

Иара убас шәаԥхьар ҟалоит:

Ихадоу атемақәа