АҞӘА, рашәара 22 - Sputnik, Сариа Кәарцхьиаԥҳа. Акциа "Агәалашәара ацәашьы" мҩаԥысит Аҟәа амшын аԥшаҳәаҿы ҳәа Sputnik акорреспондент илзеиҭеиҳәеит Аԥсны иҟоу Россотрудничество ахаҭарнакра анапхгаҩы ицхырааҩ Евгени Павлов.
Акциа иалагеит асааҭ 21:00 рзы Идырым асолдаҭ ибаҟа аҿаԥхьа.
"Акциа "Агәалашәара ацәашьы" Аԥсны иҟоу Россотрудничество ахаҭарнакра иацымҩаԥнагоит Владислав Арӡынба ихьӡ зху Ахьӡ-аԥша амузеи, аҿар риеҿкаара "Аиааира аволонтиорцәа" рыцхыраарала. Акциа мҩаԥыргоит адунеи атәылақәа жәпакы рҿы. Аҟәа иара адгылара арҭоит аҳҭнықалақь ахадареи Урыстәыла ацҳаражәҳәарҭеи", - иҳәоит Павлов.
Акциа рхы аладырхәыр рылшон изҭаху зегьы.
"Иҟалон уара ухатәы цәашьы наугаргьы, ууа-уҭахы, иара абри амш ахаҭеи ргәаларшәаразы иауркырц", - ҳәа азгәеиҭеит Павлов.
Рашәара 22, 1941 шықәса рзы Германиа лаҳәарак ҟамҵакәа Асовет Еидгыла иақәлеит. Иара убри амш аҽны Асовет Еидгыла иаҿагылеит Румыниеи Италиеи.
Иара убас шәаԥхьар ҟалоит:
- Зегьы еицырзеиԥшу Аиааира: аныҳәа ду ԥасатәи асовет ҳәынҭқаррақәа ишазгәарҭаз
