18:48 08 Нанҳәа 2020
Ишиашоу ицо аефир
  • USD73.64
  • EUR87.17
Аԥсны
Икьаҿу ахьарԥш аиура
20 0 0

Аԥсны инхо ма аамҭала иҟоу Урыстәыла атәылауаа Урыстәыла Аконституциа аиҭакрақәа ралагаларазы рыбжьы арҭон Аҟәа иҟоу Урыстәылатәи Афедерациа Ацҳаражәҳәарҭа ахыбраҿы ԥхынгәы 1 азы асааҭ 08:00 инаркны 20:00 рҟынӡа.

АҞӘА, ԥхынгәы 2 – Sputnik, Сариа Кәарцхьиаԥҳа. Аԥсны еихыршьаалеит Урыстәыла Аконституциа аиҭакрақәа ралагаларазы абжьыҭара амҩаԥысшьа.

Аԥсны иҟоу Урыстәыла Ацҳаражәҳәарҭа абжьгаҩ Максим Литвинов Sputnik акорреспондент ишылзеиҭеиҳәаз ала, абжьыҭара иалахәын х-нызқьҩык рҟынӡа ауааԥсыра.

Урыстәыла Аконституциа аиҭакрақәа ралагаларазы рыбжьы арҭеит 2722-ҩык, иаҿагыланы рыбжьы арҭеит – 171-ҩык, 61 биуллетен ԥхасҭан.

Абас ала, аиҭакрақәа ишрыдгылоз азгәарҭеит инеиз рҟынтәи 92,15% , аиҭакрақәа ирҿагылеит – 5,79%.

"Абиуллитенқәа ԥхьаӡоуп. Иааидкыланы абжьыҭара маншәаланы имҩаԥысит. Ауаа рацәаны иааит. Ҳгәыӷуеит аԥшра ахьрықәшәоз азы агәынамӡара рымам ҳәа. Алхырҭатә ҭыԥ аҿы ҳәоуеиқәымшәара ҟамлеит", - иҳәеит Литвинов.

Изҭахыз зегьы абжьыҭаразы алшара рыман. Урыстәыла Аконституциа аиҭакрақәа ралагаларазы абжьыҭараз алхырҭатә ҭыԥ №8000 Аҟәа игылоу Урыстәылатәи Афедерациа Ацҳаражәҳәарҭаҿы иаартын асааҭ 08:00 рзы. Аус ауан асааҭ 20:00 рҟынӡа. Литвинов иажәақәа рыла минуҭқәак шагызгьы аҵыхәтәантәи аҭааҩцәа неиуан. Асааҭ 20:00 рзы алхырҭатә ҭыԥ аркын.

Абжьыҭара аихшьаалақәа рзы аԥкаанҵақәа Москваҟа ишьҭуп.

Уаанӡатәи адыррақәа рыла, Урыстәыла Алхратә комиссиа хада Урыстәыла Аконституциахь ариашарақәа рзы абжьыҭаратә ԥкаанҵақәа 100% аус рыднаулеит. Урыстәыла Аконституциахь ариашарақәа рзы 77,92% урыстәылаа рыбжьы рҭиит.

Аԥсны инхо ма аамҭала иҟоу Урыстәыла атәылауаа Урыстәыла Аконституциа аиҭакрақәа ралагаларазы рыбжьы арҭон Аҟәа иҟоу Урыстәылатәи Афедерациа Ацҳаражәҳәарҭа ахыбраҿы 08:00 инаркны 20:00 рҟынӡа.

Атәыла Аконституциа ариашарақәа ралагалара иаԥшьгамҭоуп Урыстәыла ахада Владимир Путин. Иара абри атәы рылеиҳәеит 2020 шықәса ажьырныҳәа 15 рзы Афедералтә еизарахь есышықәсатәи инашьҭымҭаҿы.

Азакәан хада аԥсахрақәа рзырхоуп атәыла ахада, аиҳабыра рлахәылацәа, аҳәынҭқарратә чынуаа рҭахрақәа, аҳәынҭқарра атәылауаа рҿаԥхьа асоциалтә гарантиақәа рырӷәӷәара, апарламент азинмчра аԥсахра, ишьақәнаргылоит аурыс бызшәа астатус. Уи адагьы ариашарақәа иалдыршоит аус зуа ахада еиҭахгьы абри аҭыԥ ахь 2024 шықәса рзы кандидатс ихықәыргылара. Аконституциахь ариашарақәа ахада урыстәылазегьтәи абжьыҭарахь иқәиргылеит.

Аконституциа ариашарақәа ралагаларазы абжьыҭара мҩаԥысраны иҟан мшаԥы 22 рзы, аха атәылаҿ аепидемиологиатә ҭагылазаашьа иахырҟьаны арыцхә ԥхынгәы 1 ахь ииаган.

Ихадоу атемақәа