АҞӘА, ԥхынгәы 2 - Sputnik. Краснодартәи атәылаҿацә аҿы Урыстәыла АШәМ аҳәаахьчаратә усбарҭа аусзуҩцәа ашықәс иалагазар аахыс 300-ҩык рҟынӡа аҳәаа еилазгаз ааныркылеит. Абри атәы аанацҳауеит Краснодартәи атәылаҿацә аҿы Урыстәыла АШәМ аҳәаахьчаратә усбарҭа апресс-маҵзура.
"Аҳәаахьчаратә зонаҿ аҳәаахьчаратә режим амҩаԥысшьа ахылаԥшра аҭараан иаанкылан 295-ҩык арежим еилазгаз", - ҳәа аҳәоит адырраҭараҿы.
Апресс-маҵзураҿы иаанкылоу ахаҿқәа ртәылауаҩра арбамызт.
"2020 шықәса иалагазар Краснодартәи атәылаҿацә аҿы Урыстәыла АШәМ аҳәаахьчаратә усбарҭа аҳәаа ахысразы аушьҭрашәҟәқәа рызҭо аҳәынҭқарратә маҵзура иоунашьҭит 2552 аушьҭрашәҟәы, урҭ рҟынтәи 1346 – аҳәаанырцәуаа ирыҭан", - ҳәа азгәарҭеит Краснодартәи атәылаҿацә аҿы Урыстәыла АШәМ аҳәаахьчаратә усбарҭаҿ.
Иара убасгьы ирыҭан 38 коллективтә аушьҭрашәҟәы 448 хаҿы рзы, урҭ рҟынтәи 248-ҩык аҳәаанырцәуаа ирыҭан.
Аԥсни Урыстәылеи рҳәаа иаԥну аҭыԥқәа рҭаараан аҳәаахьчаратә режим аиламгаразы иахәҭоуп аҳәаахьчаратә режим аԥҟарақәа рықәныҟәара.
Аурыс-аԥсуа ҳәаатә ҵакыраҿ аҳәаатә зона ҳәа ишьақәыргылоуп Адлер араион Нижнешиловсктәи ақыҭатә округ иахьаҵанакуа.
Иара убас шәаԥхьар ҟалоит:
-
Ԥсоутәи аҳәааҿы даанкылоуп анаркотикқәа ииазгоз Аԥсны атәылауаҩԥҳәыс
-
Аԥсны АШәМ аусзуҩцәа Урыстәыла атәылауаҩ дааныркылеит
