22:10 21 Цәыббра 2020
Ишиашоу ицо аефир
  • USD76.04
  • EUR90.01
Аԥсны
Икьаҿу ахьарԥш аиура
2 0 0

Атурнир иалахәын 50 шахматасыҩ, Аԥсны еиуеиԥшым арегионқәа рҟынтәи, иара убасгьы Урыстәылатәи асасцәа.

АҞӘА, нанҳәа 14 - Sputnik, Асмаҭ Ҵәыџьԥҳа. Нанҳәа 13 рзы ихыркәшахеит ашахматтә турнир Sukhum-Open 2020.

Атурнир аҟны актәи аҭыԥ никылеит Челиабинсктәи аспортсмен Валери Шаньгин, аҩбатәи аҭыԥгьы ианашьахеит Челиабинсктәи ахәмарыҩ Таигату Шаинуров, ахԥатәи –Гәдоуҭатәи ашахматасыҩ Ҭимур Лакербаиа.

Аветеранцәа рыбжьара аиааира игеит Краснодартәи ашахматасыҩ Иури Гриднев, ақәыԥшцәа рыбжьара аԥыжәара ргеит: Тристан Кәарацхьелиа, Алан Ҟаитан, Нестор Багаҭелиа. Аҭыԥҳацәа рыбжьара аԥыжәара лгеит Сарида Лакәатааԥҳа.

12 шықәса рҟынӡа зхыҵуа рыбжьара актәи аҭыԥ иоуит Аскар Аџьынџьал, аҩбатәии ахԥатәии москваа – Григори Рискини Иван Жукови.

Аԥыжәара згаз зегьы ахраҿақәа, амедалқәа, аԥаратә ҳамҭақәа ранашьахеит.

Атурнир Sukhum-Open 2020 мҩаԥысуан 17-тәи жәларбжьаратә шахматтә фестиваль "Абхазия Open" аҳәаақәа ирҭагӡаны.

Ихадоу атемақәа